തിരുവനന്തപുരം: കെ.എസ്.ആര്.ടി.സി. പെന്ഷന്കാര് കഴിഞ്ഞ 12 ദിവസമായി സെക്രട്ടേറിയറ്റിനു മുമ്പില് നടത്തിവന്ന നിരാഹാര സമരം മന്ത്രി തിരുവഞ്ചൂര് രാധാകൃഷ്ണന് സത്യാഗ്രഹപ്പന്തലിലെത്തി ചര്ച്ച ചെയ്ത് അവസാനിപ്പിച്ചു. ഏപ്രില് മാസത്തെ പെന്ഷന് കുടിശ്ശിക, മേയ് മാസത്തെ പെന്ഷന് എന്നിവ 10 ദിവസത്തിനകം നല്കാന് നടപടി സ്വീകരിക്കും എന്ന് മന്ത്രി ഉറപ്പ് നല്കി.
കെ.എസ്.ആര്.ടി.സി.യിലെ പെന്ഷന് പ്രശ്നം ശാശ്വതമായി പരിഹരിക്കുന്നതിനായി മുഖ്യധാരാ രാഷ്ട്രീയ കക്ഷികള്, കെ.എസ്.ആര്.ടി.സി.യിലെ യൂണിയന് നേതാക്കള്, പെഫഷന്കാരുടെ സംഘടനാ പ്രതിനിധികള് എന്നിവരുമായി ചര്ച്ചകള് നടത്തി മൂന്നു മാസത്തിനകം പരിഹാരം കണ്ടൊത്താനുള്ള നടപടികള് സ്വീകരിക്കുമെന്നും മന്ത്രി പറഞ്ഞു.
എല്.ഐ.സിയുമായി നടക്കുന്ന ചര്ച്ചയോടൊപ്പം തന്നെ മറ്റു പൊതുമേഖലാ സ്ഥാപനങ്ങള്, ദേശസാല്കൃത ബാങ്കുകള് എന്നിവയുമായും ഇക്കാര്യം വിശദമായി ചര്ച്ച ചെയ്ത് ഏറ്റവും അനുയോജ്യമായ പദ്ധതി നടപ്പാക്കുമെന്ന് മന്ത്രി പറഞ്ഞു.
Discussion about this post