തിരുവനന്തപുരം: റബര് വിലത്തകര്ച്ച ഉള്പ്പെടെ കാര്ഷിക രംഗത്തെ അരാജകത്വത്തിനെതിരേ ഇടതുപക്ഷ സംയുക്ത കര്ഷക സമിതി പ്രഖ്യാപിച്ച ഹര്ത്താല് സംസ്ഥാനത്ത് പൂര്ണമായിരുന്നു. കടകമ്പോളങ്ങള് അടഞ്ഞുകിടക്കുകയാണ്. സ്വകാര്യ വാഹനങ്ങള് ഒഴികെ ഒന്നും നിരത്തിലിറങ്ങിയില്ല. കെഎസ്ആര്ടിസി അപൂര്വം സ്ഥലങ്ങളില് സര്വീസ് നടത്തി. ഹര്ത്താലില് ജനജീവിതം പൂര്ണമായും സ്തംഭിച്ചു.
ഹര്ത്താല് അനുകൂലികള് ജില്ലാ കേന്ദ്രങ്ങളിലേയ്ക്കും തലസ്ഥാനത്ത് സെക്രട്ടറിയേറ്റിലേയ്ക്കും മാര്ച്ച് നടത്തി. സെക്രട്ടറിയേറ്റ് മാര്ച്ച് സിപിഎം കേന്ദ്ര കമ്മിറ്റി അംഗം ഇ.പി.ജയരാജന് ഉദ്ഘാടനം ചെയ്തു.
ഹര്ത്താല് പ്രമാണിച്ച് കനത്ത പോലീസും സുരക്ഷയും സംസ്ഥാനത്ത് ഒട്ടാകെ ഏര്പ്പെടുത്തിയിട്ടുണ്ട്. റോഡില് കുടുങ്ങിയവരെ സഹായിക്കാനും പോലീസ് രംഗത്തുണ്ട്. റെയില്വേ സ്റ്റേഷനുകളില് എത്തിയവരും വാഹനം ലഭിക്കാത്ത അവസ്ഥയുണ്ടായി. ആലപ്പുഴയില് ‘സേ നോ റ്റു ഹര്ത്താല്’ പ്രവര്ത്തകര് പൊതുജനങ്ങളെ സഹായിക്കാന് രംഗത്തിറങ്ങി. റോഡില് കുടുങ്ങിയവര്ക്ക് വാഹനസൗകര്യവും ഭക്ഷണവും സംഘം നല്കി.
Discussion about this post