പത്തനംതിട്ട: ആറന്മുള വിമാനത്താവളവുമായി ബന്ധപ്പെട്ട അവസാന അസ്ഥികൂടവും എടുത്തുമാറ്റുമെന്നു ബിജെപി സംസ്ഥാന പ്രസിഡന്റ് വി. മുരളീധരന്‍. പത്തനംതിട്ട പ്രസ്‌ക്ലബ്ബില്‍ മാധ്യമപ്രവര്‍ത്തകരോടു സംസാരിക്കുകയായിരുന്നു അദ്ദേഹം. പരിസ്ഥിതി ആഘാത പഠനത്തിനു കേന്ദ്ര പരിസ്ഥിതി മന്ത്രാലയത്തിന്റെ വിദഗ്ധസമിതി അംഗീകാരം നല്‍കിയെന്ന തീരുമാനം വന്നതിനു പിന്നാലെ ഇനിയൊരു പഠനം ഉണ്ടാകില്ലെന്ന് കേന്ദ്ര പരിസ്ഥിതി മന്ത്രി പ്രഖ്യാപിച്ചിട്ടുണ്ട്. കേന്ദ്ര പ്രതിരോധ മന്ത്രാലയം നല്‍കിയ അനുമതിയും റദ്ദായി. വിമാനത്താവളം നടക്കാത്ത പദ്ധതിയാണെന്ന് ഇതോടെ വ്യക്തമായി.
പ്രധാനമന്ത്രി പദ്ധതിക്ക് തറക്കല്ലിടുമെന്ന തരത്തില്‍ കെജിഎസ് കമ്പനി നടത്തുന്ന പ്രചാരണം അപഹാസ്യമാണെന്ന് മുരളീധരന്‍ പറഞ്ഞു. കമ്പനിയില്‍ നിക്ഷേപം നടത്തിയിട്ടുള്ളവരെ തൃപ്തിപ്പെടുത്താനാകണം ഇത്തരം പ്രസ്താവനകളിലൂടെ കെജിഎസ് ശ്രമിക്കുന്നതെന്നും മുരളീധരന്‍ പറഞ്ഞു.
Discussion about this post