തിരുവനന്തപുരം: ബിജെപി നേതൃത്വം ആവശ്യപ്പെട്ടാല് അരുവിക്കരയില് പാര്ട്ടി സ്ഥാനാര്ഥിക്കു വേണ്ടി പ്രചാരണത്തിനിറങ്ങുമെന്ന് നടന് സുരേഷ് ഗോപി. തലസ്ഥാനത്തെ പാര്ട്ടി ആസ്ഥാനത്ത് ആദ്യമായി എത്തിയ ശേഷം മാധ്യമപ്രവര്ത്തകരോടു സംസാരിക്കുകയായിരുന്നു അദ്ദേഹം. ബിജെപിയുടെ കലാസാംസ്കാരിക വിഭാഗത്തിന്റെ ശുചിത്വ ബോധവത്കരണ പരിപാടിയായ നിര്മ്മലത്തിന്റെ ഉദ്ഘാടനത്തിനായാണ് അദ്ദേഹം പാര്ട്ടി ആസ്ഥാനത്ത് എത്തിയത്.
അരുവിക്കരയിലെ വോട്ടര്മാരുടെ മനസ് തനിക്കറിയാം. എന്എഫ്ഡിസി ചെയര്മാന് സ്ഥാനം ഉടന് ഏറ്റെടുക്കും. സിനിമയുടെ വളര്ച്ചയ്ക്കായി ദേശീയ നയം രൂപീകരിക്കുക എന്നതാണു പ്രഥമ ലക്ഷ്യമെന്നും സുരേഷ് ഗോപി വ്യക്തമാക്കി.
Discussion about this post