ആലപ്പുഴ: ഭൂനികുതി ഓണ്ലൈനിലൂടെ അടയ്ക്കാനുള്ള ഇ-പെയ്മെന്റ് സംവിധാനം ഉടന് ഒരുക്കുമെന്ന് മന്ത്രി അടൂര് പ്രകാശ് പറഞ്ഞു. ഇ-ഡിസ്ട്രിക്റ്റ് അവാര്ഡ്, റവന്യൂ റിക്കവറി പ്രവര്ത്തനങ്ങളില് മികച്ച പ്രവര്ത്തനം കാഴ്ചവച്ച ഓഫീസുകള്ക്കും ഉദ്യോഗസ്ഥര്ക്കുമുള്ള പുരസ്കാരം എന്നിവയുടെ വിതരണവും ‘സംപ്രാപ്ത്’ പരിശീലനപരിപാടിയുടെയും പൊതുജനങ്ങള്ക്ക് ഓണ്ലൈനായി പരാതി സമര്പ്പിക്കാവുന്ന പദ്ധതിയുടെയും ഉദ്ഘാടനം നിര്വഹിച്ചു പ്രസംഗിക്കുകയായിരുന്നു അദ്ദേഹം.
ഓണ്ലൈനായി സര്ട്ടിഫിക്കറ്റുകള് ലഭ്യമാക്കിയതുപോലെ വീട്ടിലിരുന്ന് ഓണ്ലൈനായി ഭൂനികുതി അടയ്ക്കാനുള്ള സംവിധാനം ഐ.ടി. വകുപ്പുമായി ചേര്ന്ന് ആസൂത്രണം ചെയ്തുവരുന്നു. റവന്യൂ വകുപ്പു സംബന്ധിച്ച് ജനങ്ങള്ക്കുള്ള പരാതികള് കുറയ്ക്കാനായിട്ടുണ്ട്. സംസ്ഥാനത്ത് ഇ-ഡിസ്ട്രിക്റ്റ് പദ്ധതി വഴി മേയ് 29 വരെ 1,34,17,922 സര്ട്ടിഫിക്കറ്റ് നല്കാനായി. റവന്യൂ വകുപ്പിനെ 21-ാം നൂറ്റാണ്ടിന്റെ മാറ്റത്തിനനുസരിച്ച് സജ്ജമാക്കിയെടുക്കുകയാണ് ലക്ഷ്യം. ആലപ്പുഴ ജില്ലയില് റവന്യൂ റിക്കവറി പിരിവ് 98.02 ശതമാനമായി ഉയര്ത്താന് കഴിഞ്ഞു. 62.05 കോടി രൂപയാണ് പിരിച്ചെടുത്തത്. കഴിഞ്ഞവര്ഷമിത് 33.99 കോടി രൂപയായിരുന്നുവെന്നും അദ്ദേഹം മന്ത്രി പറഞ്ഞു.
ജില്ലാ കളക്ടര് എന്. പത്മകുമാര് ആധ്യക്ഷ്യം വഹിച്ചു. റവന്യൂ റിക്കവറി ഊര്ജിത പിരിവുയജ്ഞത്തില് മികച്ച പ്രവര്ത്തനം കാഴ്ചവച്ച ഓഫീസുകള്ക്കും ഉദ്യോഗസ്ഥര്ക്കും ഇ-ഡിസ്ട്രിക്റ്റ് പദ്ധതിയിലൂടെ ഓലൈനായി സര്ട്ടിഫിക്കറ്റുകള് നല്കുന്നതില് മികച്ച പ്രകടനം കാഴ്ചവച്ച വില്ലേജ് ഓഫീസ്, താലൂക്ക് ഓഫീസ്, അക്ഷയ കേന്ദ്രം എന്നിവയ്ക്കും മന്ത്രി പുരസ്കാരം നല്കി.
Discussion about this post