ട്രിപ്പോളി: ലിബിയയില് നാലു ഇന്ത്യക്കാരെ ഇസ്ലാമിക് സ്റ്റേറ്റ് ഭീകരര് തട്ടിക്കൊണ്ടുപോയി. സിര്ത്തിലെ സര്വകലാശാലയില് അധ്യാപകരായിരുന്നവരാണ് ഭീകരരുടെ പിടിയിലായതെന്നു വിദേശകാര്യമന്ത്രാലയം അറിയിച്ചു. ഇവര് തെലങ്കാന, കര്ണാടക സ്വദേശികളാണ്. കഴിഞ്ഞ ഒരു വര്ഷമായി ഇവര് ലിബിയയില് ജോലി ചെയ്തു വരികയായിരുന്നു. ഇവരുടെ വിവരങ്ങള് ശേഖരിക്കാന് വിദേശകാര്യ മന്ത്രാലയം ശ്രമം തുടങ്ങിയിട്ടുണ്ട്. ഇസ്ലാമിക് സ്റ്റേറ്റിനു ആധിപത്യമുള്ള ലിബിയയില് വിദേശികളെ തട്ടിക്കൊണ്ടുപോകുന്നത് പതിവു സംഭവമാണ്.
അതേസമയം ഐഎസ് ഭീകരര് തട്ടികൊണ്ടുപോയ നാലംഗ സംഘത്തില് മലയാളികള് ഇല്ലെന്ന് ആഭ്യന്തരമന്ത്രി രമേശ് ചെന്നിത്തല അറിയിച്ചു. സംഭവത്തെക്കറിച്ച് വിവരങ്ങള് ശേഖരിക്കാന് ഇന്റലിജന്സ് എഡിജിപിയെ ചുമതലപ്പെടുത്തിയിട്ടുണ്ടെന്നും അദ്ദേഹം പറഞ്ഞു.
Discussion about this post