തിരുവനന്തപുരം: തദ്ദേശ തെരഞ്ഞെടുപ്പ് രണ്ട് ദിവസങ്ങളിലായി നടത്താന് തീരുമാനമായതായി മുഖ്യ തെരഞ്ഞെടുപ്പ് കമ്മീഷണര് അറിയിച്ചു. ആദ്യദിവസം നാല് വടക്കന് ജില്ലകളിലും മൂന്ന് തെക്കന് ജില്ലകളിലും തെരഞ്ഞെടുപ്പ് നടക്കും. രണ്ടാം ദിവസം മധ്യകേരളത്തിലെ ഏഴ് ജില്ലകളിലായിരിക്കും തെരഞ്ഞെടുപ്പ് നടക്കുക. മുഖ്യ തെരഞ്ഞെടുപ്പ് കമ്മീഷണര് കെ.ശശിധരന് നായരാണ് ഇക്കാര്യമറിയിച്ചത്. ഇന്ന് തിരുവനന്തപുരത്ത് തെരഞ്ഞെടുപ്പ് കമ്മീഷണറും ചീഫ്സെക്രട്ടറിയും പങ്കെടുത്ത യോഗത്തിലാണ് തീരുമാനം. വോട്ടെടുപ്പിന് രണ്ട് ദിവസത്തെ ഇടവേളയുണ്ട്.
ഒരാഴ്ച്ചക്കുളളില് തെരഞ്ഞെടുപ്പ് തീയതി പ്രഖ്യാപിക്കും. ശബരിമല തീര്ത്ഥാടന കാലത്തിനു മുന്പ് തെരഞ്ഞെടടുപ്പ് നടപടികള് പൂര്ത്തിയാക്കും. അംഗന്വാടി ജീവനക്കാര്ക്കും ആശാവര്ക്കര്മാക്കും സാക്ഷരതാ പ്രേരക്മാര്ക്കും തെരഞ്ഞെടുപ്പില് മത്സരിക്കാമെന്നും തെരഞ്ഞെടുപ്പ് കമ്മീഷന് അറിയിച്ചു.
Discussion about this post