ന്യൂഡല്‍ഹി: മുന്‍ പ്രധാനമന്ത്രിയും ബി.ജെ.പിയുടെ സ്ഥാപക അദ്ധ്യക്ഷനുമായ ഭാരതതന്ം അടല്‍ബിഹാരി വാജ്‌പേയിക്ക് ഇന്ന് 91-ാം പിറന്നാള്‍. രോഗാതുരനായി വിശ്രമജീവിതം നയിക്കുന്ന അദ്ദേഹത്തിന് രാഷ്ട്രീയ – സാമൂഹ്യ രംഗങ്ങളിലെ നിരവധിപേര്‍ ജന്മദിനാശംസകള്‍ നേര്‍ന്നു. റഷ്യന്‍ സന്ദര്‍ശനം പൂര്‍ത്തിയാക്കി മടങ്ങുന്ന പ്രധാനമന്ത്രി നരേന്ദ്രമോദി അദ്ദേഹത്തിന്റെ വസതിയിലെത്തി ജന്മദിനാശംസകള്‍ നേരും.
1924 ഡിസംബര്‍ 25ന് മദ്ധ്യപ്രദേശിലെ ഗ്വാളിയറില്‍ കൃഷ്ണബിഹാരി വാജ്‌പേയിയുടെയും കൃഷ്ണാദേവിയുടെയും മകനായാണ് വാജ്‌പേയി ജനിച്ചത്. വിദ്യാര്‍ത്ഥി നേതാവ്, പത്രാധിപര്‍, രാഷ്ട്രീയ പ്രവര്‍ത്തകന്‍, മികച്ച പാര്‍ലമന്റേറിയന്‍, ഭരണാധികാരി, കവി, പ്രഗല്‍ഭനായ വാഗ്മി, നയതന്ത്രജ്ഞന്‍ എന്നി നിലകളിലെല്ലാം മികവ് പ്രകടിപ്പിച്ച നേതാവാണ് വാജ്‌പേയി.
ലോക നേതാവായി ഉയര്‍ന്ന വാജ്‌പേയിയെക്കുറിച്ച് ഭാരതീയ വിചാരകേന്ദ്രം ഡയറക്ടര്‍ പി. പരമേശ്വരന്റെ ഏതാനും വാക്കുകളിലുള്ള വിലയിരുത്തല്‍ അര്‍ത്ഥവത്താണ്. ‘വംശമഹിമയോ അംഗീകാരപത്രമോ പിന്തുണയ്ക്കാനില്ലാതെ ഒരു സാധാരണക്കാരനായി ജനിച്ച് അനുകൂല സാഹചര്യങ്ങള്‍ അധികമില്ലാത്ത പതിറ്റാണ്ടുകള്‍ പടിപടിയായി ക്ഷമാപൂര്‍വ്വം ചവിട്ടിക്കയറി ലോകത്തിലെ ഏറ്റവും വലിയ ജനാധാപത്യ രാഷ്ട്രത്തിന്റെ പ്രധാനമന്ത്രിയെന്ന അഭിമാനകരമായ പദവി ഒരു കാലാവധി മുഴുവന്‍ അലങ്കരിക്കുന്ന ആദ്യത്തെ വ്യക്തി വാജ്‌പേയി ആണെന്ന് ചരിത്രം വിധിയെഴുതും.’
വാജ്‌പേയിയുടെ അടത്തു സുഹൃത്തും അദ്ദേഹം ജനസംഘം അദ്ധ്യക്ഷനായിരുന്നപ്പോള്‍ ഉപാദ്ധ്യക്ഷനുമായിരുന്ന പി. പരമേശ്വരന്റെ ഈ വാക്കുകളിലൂടെ വാജ്‌പേയി ആരാണെന്നു വ്യക്തമാകും.
Discussion about this post