മുംബൈ: മേക്ക് ഇന് ഇന്ത്യ വീക്ക് പരിപാടിയുടെ വേദിയില് തീപിടിത്തം. സാംസ്കാരിക പരിപാടി നടക്കുന്നതിനിടെയാണു സംഭവം. സ്റ്റേജ് പൂര്ണമായും കത്തിനശിച്ചു. തീപിടുത്തമുണ്ടായ ഉടന് ആളുകളെ ഒഴിപ്പിച്ചതിനാല് വന്അപകടം ഒഴിവായി.
മഹാരാഷ്ട്ര ഗവര്ണര് സി. വിദ്യാസാഗര് റാവു, മുഖ്യമന്ത്രി ദേവേന്ദ്ര ഫഡ്നാവിസ്, ബോളിവുഡ് താരങ്ങളായ അമിതാഭ് ബച്ചന്, ഹേമമാലിനി അടക്കമുള്ള പ്രമുഖര് പരിപാടിയില് പങ്കെടുക്കാന് എത്തിയിരുന്നു. ഇവരെ സുരക്ഷിത ഇടങ്ങളിലേക്കു മാറ്റി.
ഏകദേശം 25,000 ആളുകള് പരിപാടി കാണാന് എത്തിയിരുന്നു. ഇവരെയും സുരക്ഷിത ഇടങ്ങളിലേക്കു മാറ്റിയിരുന്നു. എന്നാല്, രക്ഷപ്പെടാനുള്ള ശ്രമത്തിനിടെ നിരവധി പേര്ക്കു പരിക്കേറ്റു. തീ അണയ്ക്കാനുള്ള ശ്രമം നടത്തുകയാണ്. ഷോര്ട്ട് സര്ക്യൂട്ടാണ് അപകട കാരണമെന്നാണു പ്രാഥമിക വിവരം.
Discussion about this post