കൊല്ലം: റവന്യൂ സ്പെഷ്യല് സ്ക്വാഡ് അംഗങ്ങളെ കൈയ്യേറ്റം ചെയ്യുകയും ഔദേ്യാഗിക കൃത്യനിര്വഹണത്തിന് തടസമുണ്ടാക്കുകയും ചെയ്തവര്ക്കെതിരെ നിയമ നടപടി സ്വീകരിക്കുമെന്ന് ആര് ഡി ഒ അറിയിച്ചു. പത്തനാപുരം താലൂക്കിലെ വിളക്കുടി വില്ലേജിലാണ് അനധികൃത നിലം നികത്തല് പരിശോധിക്കാനെത്തിയ ഉദേ്യാഗസ്ഥ സംഘത്തെ തടഞ്ഞത്. അനധികൃതമായി കരമണ്ണ് കടത്തിയതിന് സ്ക്വാഡ് പിടിച്ചെടുത്ത വാഹനം ബലംപ്രയോഗിച്ച് കൊണ്ടുപോവുകയും സ്ക്വാഡംഗങ്ങളെ തടഞ്ഞുവയ്ക്കുകയും ചെയ്യുകയായിരുന്നു. കുന്നിക്കോട് പോലീസ് എത്തിയാണ് സ്ക്വാഡ് അംഗങ്ങളെ മോചിപ്പിച്ചത്.
അനധികൃതമായി നിലം നികത്തുന്നതായി പരാതി ലഭിച്ചതിനെത്തുടര്ന്നാണ് പരിശോധനയ്ക്ക് കൊല്ലം ആര് ഡി ഒ സ്ക്വാഡിനെ നിയോഗിച്ചത്. അനധികൃത നിലംനികത്തലിനെതിരെ തുടര്ന്നും ശക്തമായ നിയമനടപടികള് സ്വീകരിക്കുമെന്ന് ആര് ഡി ഒ അറിയിച്ചു. വിളക്കുടിയില് നടന്ന റെയ്ഡില് ജൂനിയര് സൂപ്രണ്ട് എസ് ഉണ്ണികൃഷ്ണപിള്ള, സീനിയര് ക്ലാര്ക്ക് എസ് സോവിരാജ് തുങ്ങിയവര് പങ്കെടുത്തു.
Discussion about this post