മൂവാറ്റുപുഴ: റവന്യു മന്ത്രി അടൂര് പ്രകാശിനെതിരെ ത്വരിതാന്വേഷണം നടത്താന് മൂവാറ്റുപുഴ വിജിലന്സ് കോടതി ഉത്തരവ്. സന്തോഷ് മാധവന് ഇടനിലക്കാരനായ ഭൂമിയിടപാട് കേസിലാണ് ഉത്തരവ്. എസ്പി റാങ്കിലുള്ള ഉദ്യോഗസ്ഥന് അന്വേഷണം നടത്തണമെന്നും കോടതി ഉത്തരവില് പറയുന്നു. അടൂര് പ്രകാശ്, റവന്യു പ്രിന്സിപ്പല് സെക്രട്ടറി വിശ്വാസ് മേത്ത, സന്തോഷ് മാധവന് എന്നിവരുള്പ്പെടെ അഞ്ചു പേര്ക്കെതിരെ ത്വരിതാന്വേഷണം നടത്താനാണു കോടതി ഉത്തരവിട്ടിരിക്കുന്നത്. കളമശേരി സ്വദേശി ഗിരീഷ് ബാബുവാണു ഹര്ജി നല്കിയത്.
കേസില് മുഖ്യമന്ത്രിയെക്കൂടി കേസില് ഉള്പ്പെടുത്തണമെന്ന ആവശ്യം കോടതി തള്ളി. അന്വേഷണം പുരോഗമിക്കുമ്പോള് മുഖ്യമന്ത്രിയുടെ പങ്ക് സംബന്ധിച്ചു സംശയം ഉണ്ടായാല് അപ്പോള് ഇക്കാര്യം പരിഗണിക്കാമെന്നും കോടതി പറഞ്ഞു.
സന്തോഷ് മാധവന്റെ ബിനാമി സ്ഥാപനത്തിനു ഭൂപരിഷ്കരണ നിയമത്തില് ഇളവു നല്കി 112 ഏക്കര് മിച്ചഭൂമി നല്കിയതായാണ് കേസ്.
