തിരുവനന്തപുരം: ശ്രീരാമനവമി ആഘോഷങ്ങളുടെ ഭാഗമായി ഹനുമദ് ജയന്തിയും ജ്യോതിക്ഷേത്രത്തില്‍ ജഗദ്ഗുരു സ്വാമി സത്യാനന്ദസരസ്വതി തൃപ്പാദങ്ങളുടെ വിഗ്രഹപ്രതിഷ്ഠയുടെ എട്ടാം വാര്‍ഷികദിനവുമായ ഏപ്രില്‍ 22ന് രാവിലെ 8ന് ശിവസഹസ്രനാമ അര്‍ച്ചനയും 10ന് ജ്യോതിക്ഷേത്രത്തില്‍ വിശേഷാല്‍ പൂജകളും നടക്കും. 11ന് നാഗരൂട്ട്, വൈകുന്നേരം 3ന് മഹാലക്ഷ്മീ പൂജ.
വൈകുന്നേരം 6.30ന് ശ്രീ സത്യാനന്ദഗുരുസമീക്ഷ ശ്രീശങ്കരാചാര്യ സംസ്‌കൃതസര്‍വകലാശാല മുന്‍ഡീന്‍ പ്രൊഫ.സി.ജി.രാജഗോപാല്‍ ഉദ്ഘാടനം ചെയ്യും. മുന്‍ ഡെപ്യൂട്ടി അക്കൗണ്ടന്റ് ജനറല്‍ ഗുരുവായൂര്‍ പ്രഭാകര്‍ജി അദ്ധ്യക്ഷത വഹിക്കുന്ന സമ്മേളനത്തില്‍ ഡോ.ആര്‍.ശ്രീകുമാര്‍, ദിനേശ് മാവുങ്കാല്‍ തുടങ്ങിയവര്‍ പ്രബന്ധങ്ങള്‍ അവതരിപ്പിക്കും. അണിയൂര്‍ ടി.അജിത്കുമാര്‍, കെ.പദ്മനാഭപിള്ള തുടങ്ങിയവര്‍ സംസാരിക്കും.
Discussion about this post