കൊച്ചി: പെരുമ്പാവൂരില് നിയമ വിദ്യാര്ഥിനി ജിഷ കൊല്ലപ്പെട്ട കേസില് അന്വേഷണത്തില് പോലീസിന് വീഴ്ച പറ്റിയിട്ടില്ലെന്ന് ആഭ്യന്തരമന്ത്രി രമേശ് ചെന്നിത്തല. എറണാകുളം പ്രസ് ക്ലബില് നടന്ന മീറ്റ് ദ പ്രസ് പരിപാടിയില് പങ്കെടുക്കുകയായിരുന്നു അദ്ദേഹം.
അന്വേഷണം ശരിയായ ദിശയിലാണ് മുന്നോട്ട് നീങ്ങുന്നത്. പൂര്ണ ഗൗരവത്തോടുകൂടിയാണ് പോലീസ് ഈ കേസ് ഏറ്റെടുത്തിരിക്കുന്നത്. കൂടുതല് തെളിവുകള് കണെ്ടത്തുന്നതിനാണ് സമയം എടുക്കുന്നത്. ജിഷയുടെ കൊലയാളിയെ ഉടന് കണെ്ടത്തും. അതിക്രൂരമായ ഈ സംഭവം രാഷ്ട്രീയ വിഷയമാക്കുന്നത് ശരിയല്ല. അത്തരത്തിലുള്ള നീക്കങ്ങള് അപലപനീയമാണ്. അന്വേഷണത്തിന്റെ ആദ്യഘട്ടത്തില് പോലീസിന് വീഴ്ച പറ്റിയിട്ടുണേ്ടാ എന്ന പരിശോധിക്കുമെന്നും രമേശ് ചെന്നിത്തല പറഞ്ഞു.
Discussion about this post