തിരുവനന്തപുരം: ലഹരി ഉപയോഗത്തില് നിന്നും സമൂഹത്തെ മോചിപ്പിക്കാന് ബോധവത്കരണ പരിപാടികള് വ്യാപിപ്പിക്കുമെന്ന് എക്സൈസ് മന്ത്രി ടി പി രാമകൃഷ്ണന്. എക്സൈസ് വകുപ്പിന് അനുവദിച്ച 19 വാഹനങ്ങളുടെ ഫ്ളാഗ് ഓഫ് ചടങ്ങ് തിരുവനന്തപുരം എക്സൈസ് ആസ്ഥാനത്ത് നിര്വഹിക്കുകയായിരുന്നു മന്ത്രി.
ലഹരിയുടെ അതിപ്രസരത്തില് നിന്നും പൊതുസമൂഹത്തെ മോചിപ്പിക്കാനുള്ള ഉത്തരവാദിത്തം ഓരോരുത്തര്ക്കും ഉണ്ട്. വിപുലമായ ബോധവത്കരണ പരിപാടിയിലൂടെ ഘട്ടംഘട്ടമായുള്ള മദ്യവര്ജനമാണ് സര്ക്കാര് ലക്ഷ്യം. വിദ്യാര്ഥികളെയും വിവിധ ജനവിഭാഗങ്ങളെയും ഉള്പ്പെടുത്തി ബൃഹത്തായ ബോധവത്കരണ പരിപാടി സംഘടിപ്പിക്കും. മയക്കുമരുന്ന്, കഞ്ചാവ് തുടങ്ങിയ ലഹരിപദാര്ഥങ്ങളുടെ ഉപയോഗത്തില് നിന്നും സമൂഹത്തെ പൂര്ണമായി മോചിപ്പിക്കണം. ലഹരിക്ക് അടിമപ്പെട്ട് കേസുകളില് പെടുന്നവരെ മോചിപ്പിച്ച് ബോധവത്കരണത്തിലൂടെ അവരുടെ കുടുംബങ്ങളെ സഹായിക്കുകയാണ് സര്ക്കാര് ലക്ഷ്യം.
മെഡിക്കല്, എഞ്ചിനിയറിംഗ് കോളജില് വരെ ലഹരി ഉപയോഗമുള്ളതായാണ് വിവരം. നിയമവിരുദ്ധമായ വില്പനയ്ക്കും ലഹരി ഉപയോഗത്തിനും എതിരെ ജനങ്ങള് ജാഗ്രത പുലര്ത്തണമെന്നും മന്ത്രി പറഞ്ഞു. ചടങ്ങില് എക്സൈസ് കമ്മീഷ്ണര് ഋഷിരാജ്സിംഗ് അധ്യക്ഷനായി. അഡി. എക്സൈസ് കമ്മീഷ്ണര് ജീവന്ബാബു, ജോയിന്റ് കമ്മീഷ്ണര് മുഹമ്മദ് സിയാദ് എന്നിവരും ചടങ്ങില് സംബന്ധിച്ചു.
Discussion about this post