തിരുവനന്തപുരം: സര്‍ക്കാര്‍ ഓഫീസുകളില്‍ താഴെത്തട്ടു മുതല്‍ കൈകാര്യം ചെയ്യുന്ന എല്ലാ ഫയലുകളും ഇഓഫീസ് ഫയലുകളും മലയാളത്തില്‍തന്നെയാണെന്ന് അടിയന്തര പ്രാധാന്യത്തോടെ ചുമതലയുള്ള ഉദ്യോഗസ്ഥര്‍ ഉറപ്പുവരുത്തണമെന്ന് സര്‍ക്കാര്‍ ഉത്തരവ്.
സെക്രട്ടേറിയറ്റ്, സെക്രട്ടേറിയറ്റിതര വകുപ്പുകള്‍,പൊതുമേഖല, അര്‍ദ്ധ സര്‍ക്കാര്‍, സ്വയംഭരണ, സഹകരണ സ്ഥാപനങ്ങള്‍ക്കെല്ലാം നിര്‍ദേശം ബാധകമാണ്. അതതിടങ്ങളില്‍ സെക്ഷന്റെ ചുമതലയുള്ള ഓഫീസര്‍മാരും അണ്ടര്‍ സെക്രട്ടറി, അസിസ്റ്റന്റ് ഡയറക്ടര്‍ തുടങ്ങിയ ഓഫീസര്‍മാരും ഇത് പരിശോധിച്ച് ഉറപ്പു വരുത്തണമെന്ന് ചീഫ് സെക്രട്ടറി സര്‍ക്കുലറില്‍ അറിയിച്ചു. ഭാഷാമാറ്റ പുരോഗതി പൂര്‍ണമാക്കുന്നതിനായി സര്‍ക്കാര്‍ പുറപ്പെടുവിച്ച എല്ലാ ഉത്തരവുകളും നിര്‍ദേശങ്ങളും കര്‍ശനമായി പാലിക്കണം. ഉത്തരവുകള്‍, സര്‍ക്കുലറുകള്‍, മറ്റു കത്തിടപാടുകള്‍ എന്നിവ മലയാളത്തില്‍ മാത്രമായിരിക്കണമെന്ന നിര്‍ദേശവും കര്‍ശനമായി പാലിക്കണം.
Discussion about this post