മുംബൈ : ഇന്ത്യയുടെ രണ്ടാമത്തെ സ്‌കോര്‍പീന്‍ ക്‌ളാസ് അന്തര്‍വാഹിനി ഐ എന്‍ എസ് ഖണ്ഡേരി രാജ്യത്തിന് സമര്‍പ്പിച്ചു. മുംബൈ മസഗോണ്‍ ഡോക്കില്‍ നടന്ന ചടങ്ങില്‍ കേന്ദ്രസഹമന്ത്രി സുഭാഷ് ഭാം റേയുടെ സാന്നിദ്ധ്യത്തില്‍ നടന്നു . അഡ്മിറല്‍ സുനില്‍ ലാംബ ചടങ്ങില്‍ സന്നിഹിതനായിരുന്നു .
എല്ലാ സാഹചര്യങ്ങളിലും ആക്രമണത്തിന്റെ ശക്തി നിലനിര്‍ത്താന്‍ ഖണ്ഡേരിക്ക് കഴിയും . അത്യുഗ്ര പ്രഹരശേഷിയുള്ള ആയുധങ്ങളാണ് അന്തര്‍വാഹിനിയുടെ പ്രത്യേകത. സമുദ്രോപരിതല ആക്രമണത്തിനും സമുദ്രാന്തര്‍ഭാഗ ആക്രമണത്തിനും കഴിയുന്ന രീതിയിലാണ് ഖണ്ഡേരി രൂപകല്‍പ്പന ചെയ്തിരിക്കുന്നത്.
പ്രോജക്ട് 75 ന്റെ ഭാഗമായി നിര്‍മ്മിക്കാനുദ്ദേശിക്കുന്ന ആറ് അന്തര്‍വാഹിനികളില്‍ രണ്ടാമത്തേതാണ് ഖണ്ഡേരി . ആദ്യത്തേതായ കാല്‍വരി പരീക്ഷണഘട്ടങ്ങള്‍ പൂര്‍ത്തിയാക്കിക്കഴിഞ്ഞ് ഉടന്‍ തന്നെ നാവികസേനയുടെ ഭാഗമാകും .
Discussion about this post