കൊച്ചി: വ്യാപാരി ക്ഷേമബോര്ഡിന്റെ പെന്ഷന് വിതരണത്തിലെ കാലതാമസം ഒഴിവാക്കുമെന്ന് ധനമന്ത്രി ഡോ. ടി.എം. തോമസ് ഐസക്ക്. വ്യാപാരി ക്ഷേമ ബോര്ഡ് വഴി 11000 പേരാണ് പെന്ഷന് വാങ്ങുന്നത്. കഴിഞ്ഞ 33 മാസമായി ഇവരുടെ പെന്ഷന് മുടങ്ങിയിരുന്നു. 14.5 കോടി രൂപ സര്ക്കാര് ക്ഷേമനിധിക്ക് കൈമാറിയതിനു ശേഷമാണ് ഇപ്പോള് കുടിശ്ശിക വിതരണം ചെയ്യുന്നത്. 26500 രൂപ മുതല് 38050 രൂപ വരെയാണ് കുടിശ്ശികയായി വ്യാപാരികള്ക്ക് ലഭിക്കുന്നതെന്നും അദ്ദേഹം പറഞ്ഞു. വ്യാപാരക്ഷേമബോര്ഡിന്റെ കുടിശ്ശിക പെന്ഷന് വിതരണം ഉദ്ഘാടനം ചെയ്യുകയായിരുന്നു ഡോ. തോമസ് ഐസക്ക്.
ക്ഷേമനിധി ബോര്ഡിന്റെ പ്രവര്ത്തനം എത്രയും വേഗം കമ്പ്യൂട്ടര്വല്ക്കരിക്കും.പെന്ഷന് കൃത്യമായി ബാങ്കുകളിലെത്തിക്കാന് നടപടിയെടുക്കും. ക്ഷേമനിധിയിലേക്കുള്ള പണമടയ്ക്കാന് എല്ലാ ജില്ലകളിലും സൗകര്യമൊരുക്കുമെന്നും മന്ത്രി പറഞ്ഞു. 750 രൂപ മുതല് 1000 രൂപ വരെയായിരുന്നു നേരത്തെ നിലവിലിരുന്ന പെന്ഷന് നിരക്കുകള്. എറ്റവും കുറഞ്ഞ ക്ഷേമ പെന്ഷന് 1000 രൂപയാക്കിയിട്ടുണ്ട്. കാലാനുസൃതമായി പെന്ഷന്റെ മറ്റ് നിരക്കുകളും വര്ദ്ധിപ്പിക്കും.
Discussion about this post