തിരുവനന്തപുരം: നിയമസഭാ സമ്മേളനത്തിന് ഗവര്ണറുടെ നയപ്രഖ്യാപന പ്രസംഗത്തോടെ തുടക്കമായി. കേന്ദ്ര സര്ക്കാറിനെ നോട്ട് നിരോധന വിഷയത്തില് വിമര്ശിക്കുന്നതായിരുന്നു 2017-18 വര്ഷത്തേക്കുള്ള സംസ്ഥാന ബജറ്റ് അവതരണത്തിന് മുന്നോടിയായുള്ള ഗവര്ണറുടെ നയപ്രഖ്യാപന പ്രസംഗം. നോട്ട് നിരോധനത്തെത്തുടര്ന്ന് സഹകരണ മേഖല ഒന്നാകെ നിശ്ചലമായെന്നും റവന്യൂ വരുമാനം കുറഞ്ഞുവെന്നും അദ്ദേഹം പറഞ്ഞു.
കടുത്ത വരള്ച്ച നേരിടാന് ഊര്ജ്ജിത നടപടി തുടങ്ങിയതായും ഇതിനായി കുടിവെള്ള പ്രശ്നം നേരിടാന് കളക്ടര്മാര്ക്ക് പ്രത്യേക ഫണ്ട് നല്കിയതായും അദ്ദേഹം പ്രസംഗത്തില് പറഞ്ഞു. അഞ്ച് വര്ഷത്തിനുള്ളില് കാര്ഷിക സ്വയം പര്യാപ്തത നേടും. വിദ്യാഭ്യാസ, ആരോഗ്യ രംഗങ്ങളില് നിലവാരം ഉയര്ത്തും. ഭവന രഹിതര്ക്കായി 4.2 ലക്ഷം വീടുകള് നിര്മ്മിക്കും. സര്ക്കാര് സ്കൂളുകളിലെ ക്ലാസ് റൂമുകളെ ഡിജിറ്റലാക്കും. കൂടുതല് വ്യവസായ പാര്ക്കുകള് സ്ഥാപിക്കുമെന്നും അദ്ദേഹം പറഞ്ഞു.
Discussion about this post