തിരുവനന്തപുരം: മുന്നൂറിലേറെ കുടുംബങ്ങള് അധിവസിക്കു പേയാട് കുന്നിന്മുകള് ഭാഗത്ത് ശുദ്ധജലവിതരണം തടസ്സപ്പെട്ടിട്ട് 14 ദിവസമായിട്ടും അധികൃതര് നടപടി സ്വീകരിക്കുന്നില്ലെന്ന് പരാതി. മുന്നൂറു കുടുംബങ്ങളിലായി 1500ലേറെപ്പേരാണ് കേരളാ വാട്ടര് അതോറിറ്റിയുടെ അനാസ്ഥ മൂലം ദുരിതം അനുഭവിക്കുന്നത്.
മങ്കാട്ടുകടവിലെ പമ്പ് ഹൗസില് നിന്നാണ് ഈ ഭാഗങ്ങളില് ജലവിതരണം നടക്കുത്. ഇവിടത്തെ മോട്ടോര് കത്തിപ്പോയിട്ട് യഥാസമയം അറ്റകുറ്റപ്പണി നടത്തി പുനഃസ്ഥാപിക്കാത്തതാണ് ജലവിതരണം മുടങ്ങാന് കാരണം. വളരെ വൈകി അറ്റകുറ്റപ്പണി പൂര്ത്തിയാക്കി പമ്പിങ് പുനരാരംഭിച്ചെങ്കിലും മോട്ടോര് വീണ്ടും കത്തിപ്പോയി. മറ്റൊരു പമ്പ് കൊണ്ടുവന്ന് ചൊവ്വാഴ്ച പമ്പിങ് പുനരാരംഭിച്ചെങ്കിലും കുന്നിന്മുകള് ഭാഗത്ത് ഇനിയും വെളളം എത്തിയില്ല. കുന്നിന്മുകളിലെ ചെറിയ വാട്ടര് ടാങ്കില് വെളളം നിറഞ്ഞെങ്കിലും അത് സ്ഥലവാസികള്ക്ക് ലഭ്യമാക്കുന്നില്ല. ചിറക്കോണം റോഡില് ജവഹര് സ്കൂളിനു സമീപമുളള ഒരു വാല്വ് ക്രമീകരിച്ചെങ്കില് മാത്രമേ അതിനു തൊട്ടുമുകളിലുളള കുന്നിന്മുകള് ഭാഗത്ത് വെളളം ലഭിക്കൂ. അതിന് വാട്ടര് അതോറിറ്റി തയ്യാറാകാത്തതാണ് പ്രതിസന്ധിക്ക് കാരണമെന്ന് നാട്ടുകാര് ആരോപിച്ചു. പ്രശ്നം പരിഹരിക്കാന് ജലവിഭവവകുപ്പ് മന്ത്രിയും ഉത ഉദ്യോഗസ്ഥരും ഇടപെടണമെന്നാണ് നാട്ടുകാരുടെ ആവശ്യം.
Discussion about this post