കൊച്ചി: നടിയെ ആക്രമിച്ച കേസുമായി ബന്ധപ്പെട്ട് അറസ്റ്റിലായ നടന് ദിലീപിന് ഹൈക്കോടതി ജാമ്യം നിഷേധിച്ചു. സിംഗിള് ബെഞ്ചാണ് ജാമ്യഹര്ജി തള്ളിയത്. ദിലീപിന് ജാമ്യം നല്കുന്നതിനെ പ്രോസിക്യൂഷന് ശക്തമായി എതിര്ത്തിരുന്നു. പ്രതി പ്രബലനാണെന്നും ജാമ്യം നല്കിയാല് സാക്ഷികളെ സ്വാധീനിക്കാന് സാധ്യതയുണ്ടെന്നും പ്രോസിക്യൂഷന് വാദിച്ചിരുന്നു. ദിലീപിനെതിരേ ശക്തമായ തെളിവുകള് ഹാജരാക്കിയിട്ടുണ്ടെന്നും ഈ ഘട്ടത്തില് ജാമ്യം നല്കിയാല് അന്വേഷണത്തിന് തടസമാകുമെന്നുമുള്ള പ്രോസിക്യൂഷന് വാദവും അംഗീകരിച്ചാണ് ജാമ്യം നിഷേധിച്ചത്.
ജാമ്യഹര്ജി തള്ളിയതോടെ പ്രതിഭാഗം ഇനി സുപ്രീംകോടതിയെ സമീപിക്കാനായിരിക്കും ശ്രമിക്കുക. എന്നാല് ഈ ഘട്ടത്തില് സുപ്രീംകോടതിയില് പോയാലും അനുകൂല വിധിയുണ്ടാകില്ലെന്നാണ് നിയമ വിദഗ്ധരുടെ അഭിപ്രായം. അതിനാല് കൂടുതല് നിയമോപദേശം തേടിയ ശേഷമാവും ദിലീപിന്റെ നീക്കും.
പ്രോസിക്യൂഷന് ഉന്നയിച്ച വാദങ്ങളെല്ലാം കോടതി അംഗീകരിച്ചത് പ്രതിഭാഗത്തിന് തിരിച്ചടിയായി. കേസ് ഡയറിയും പ്രോസിക്യൂഷന് കോടതിയില് ഹാജരാക്കിയിരുന്നു. ചൊവ്വാഴ്ച ദിലീപിന്റെ റിമാന്ഡ് കാലാവധി പൂര്ത്തിയാവുകയാണ്. ഒളിവിലായ ദിലീപിന്റെ മാനേജര് അപ്പുണ്ണിയെ അറസ്റ്റ് ചെയ്യാനുള്ള തീവ്ര ശ്രമത്തിലാണ് പോലീസ്. കേസിലെ മുഖ്യപ്രതിയായ പള്സര് സുനിയെയും ദിലീപിനെയും ബന്ധിപ്പിക്കുന്ന കണ്ണിയാണ് അപ്പുണ്ണിയെന്നും പോലീസ് കണ്ടെത്തിയിട്ടുണ്ട്. ദിലീപിനെ അറസ്റ്റ് ചെയ്ത ദിവസം മുതല് അപ്പുണ്ണി ഒളിവില് തുടരുകയാണ്.
Discussion about this post