അങ്കമാലി: സുരക്ഷപ്രശ്‌നം മുന്‍നിര്‍ത്തി നടന്‍ ദിലീപിനെ നേരിട്ട് കോടതിയില്‍ ഹാജരാക്കുന്നത് ഒഴിവാക്കണമെന്ന പോലീസിന്റെ അപേക്ഷ അങ്കമാലി മജിസ്‌ട്രേറ്റ് കോടതി അംഗീകരിച്ചു. വീഡിയോ കോണ്‍ഫറന്‍സിംഗിലൂടെ നടപടികള്‍ പൂര്‍ത്തിയാക്കണമെന്ന പോലീസിന്റെ അപേക്ഷയാണ് കോടതി അനുവദിച്ചത്.
ചൊവ്വാഴ്ച ദിലീപിന്റെ 14 ദിവസത്തെ റിമാന്‍ഡ് കാലാവധി അവസാനിക്കുകയാണ്. അതിനാല്‍ പോലീസിന് പ്രതിയെ വീണ്ടും കോടതിയില്‍ ഹാജരാക്കേണ്ടി വരും. ഇതിന് മുന്നോടിയായിട്ടായിരുന്നു പോലീസിന്റെ അപേക്ഷ.
ആദ്യഘട്ടത്തില്‍ ദിലീപിനെ കോടതിയില്‍ ഹാജരാക്കിയപ്പോള്‍ വന്‍ പോലീസ് സംഘമാണ് സുരക്ഷയ്ക്ക് വേണ്ടിവന്നത്. എന്നാല്‍ ഇനിയും ഇത്തരത്തില്‍ കോടതിയില്‍ ഹാജരാക്കുന്നത് പ്രായോഗികമല്ലെന്നായിരുന്നു പോലീസ് നിലപാട്. ഇത് കോടതി അംഗീകരിക്കുകയായിരുന്നു.
Discussion about this post