കൊച്ചി: ദിലീപുമായി തനിക്ക് യാതൊരുവിധ ഇടപാടുകളുമില്ലെന്ന് ഗായിക റിമി. സാമ്പത്തിക ഇടപാടുണ്ടെങ്കില് ആദായനികുതി വകുപ്പ് കണ്ടെത്തിയേനെയെന്നും അവര് പറഞ്ഞു. കേസുമായി ബന്ധപ്പെട്ട് അന്വേഷണസംഘത്തിനുമുന്നില് ചോദ്യം ചെയ്യലിനു ഹാജരായതിനു ശേഷം മാധ്യമങ്ങളോട് സംസാരിക്കുകയായിരുന്നു അവര്.
രണ്ടു കൊല്ലം മുന്പ് ആദായനികുതി വകുപ്പ് റെയ്ഡ് നടത്തിയിരുന്നു. ഇതിനെ തുടര്ന്ന് കുറച്ചു നികുതി അടയ്ക്കേണ്ടി വന്നു. അതേയുണ്ടായിട്ടുള്ളൂ. അല്ലാതെ തന്റെ ബാങ്ക് അക്കൗണ്ടിലേക്കു പണം വരികയോ മറ്റോ ചെയ്തിട്ടില്ലെന്നും റിമി വ്യക്തമാക്കി.
2010ലും 2017ലും യുഎസില് താരങ്ങള് നടത്തിയ സ്റ്റേജ് ഷോയില് താനും പങ്കെടുത്തിരുന്നു. അതേക്കുറിച്ചും ഷോയില് ആരൊക്കെയുണ്ടായിരുന്നുവെന്നും തുടങ്ങിയ കാര്യങ്ങളാണു പോലീസ് ചോദിച്ചത്. തനിക്കു വിദേശയാത്ര ചെയ്യുന്നതിനോ മറ്റോ യാതൊരു തടസ്സവുമില്ലെന്ന് പോലീസ് അറിയിച്ചിട്ടുണ്ടെന്നും റിമി വ്യക്തമാക്കി.
നടി ആക്രമിക്കപ്പെട്ട വിവരം ടിവി ചാനലുകളില്നിന്നാണ് അറിയുന്നത്. അറിഞ്ഞയുടനെ കാവ്യ മാധവനെ ഫോണ് ചെയ്തിരുന്നു. ഇരയായ പെണ്കുട്ടിക്കു മെസേജ് അയച്ചു. താനും ആ പെണ്കുട്ടിയും തമ്മില് യാതൊരു പ്രശ്നങ്ങളുമില്ല. അത്തരം വാര്ത്തകള് തെറ്റാണ്. പിന്നീട് വിഷയത്തില് രമ്യയുമായും സംസാരിച്ചിരുന്നുവെന്നും റിമി കൂട്ടിച്ചേര്ത്തു.
നടിയെ ആക്രമിച്ച സംഭവത്തില് റിമിയെ ഇന്ന് രാവിലെയാണ് അന്വേഷണസംഘം ചോദ്യം ചെയ്തത്. ദിലീപുമായി റിമിക്ക് റിയല് എസ്റ്റേറ്റ് ബന്ധങ്ങളുണ്ടെന്ന് പോലീസിന് സൂചന ലഭിച്ചിരുന്നു. ഇതിന്റെ അടിസ്ഥാനത്തിലാണ് റിമിയെ ചോദ്യം ചെയ്തത്.
Discussion about this post