പാലക്കാട്: ആര്എസ്എസ് സര്സംഘ ചാലക് ഡോ മോഹന് ഭാഗവത് പാലക്കാട് കര്ണകിയമ്മന് സ്കൂളില് ദേശീയ പതാക ഉയര്ത്തുന്നത് തടയാന് ശ്രമിച്ച സംഭവത്തെക്കുറച്ച് ചീഫ് സെക്രട്ടറിയോട് പ്രധാനമന്ത്രിയുടെ ഓഫീസ് വിശദീകരണം തേടി. ബിജെപി പാലക്കാട് ജില്ലാ പ്രസിഡന്റ് നല്കിയ പരാതിയെ തുടര്ന്നാണ് നടപടി.
സ്വാതന്ത്ര്യ ദിനത്തില് സര്സംഘചാലക് പാലക്കാട് മൂത്താന്തറ കര്ണകിയമ്മന് സ്കൂളില് ദേശീയ പതാക ഉയര്ത്തുന്നത് തടയാന് ശ്രമിച്ചത് വിവാദമായിരുന്നു.
ഇതേ തുടര്ന്ന് ബിജെപി ജില്ലാ പ്രസിഡന്റ് ഇ കൃഷ്ണദാസ് നല്കിയ പരാതിയുടെ അടിസ്ഥാനത്തിലാണ് പ്രധാനമന്ത്രിയുടെ ഓഫീസ് ഇടപെടല് നടത്തിയത്. സംഭവത്തില് വിശദീകരണം നല്കാന് ചീഫ് സെക്രട്ടറിയോട് കത്ത് മുഖേനയാണ് പ്രധാനമന്ത്രിയുടെ ഓഫീസ് ആവശ്യപ്പെട്ടത്.
സര്സംഘചാലക് ദേശീയപതാക ഉയത്തിയത് ചട്ടങ്ങള് ലഘിച്ചുകൊണ്ടാണെന്ന് സര്ക്കാരും ജില്ലാ ഭരണകൂടവും വാദിച്ചിരുന്നെങ്കിലും സംഭവത്തില് നിയമവിരുദ്ധമായി എന്തെങ്കിലും നടന്നതായി കണ്ടെത്താനോ നടപടി എടുക്കാനോ ഇതുവരെ സാധിച്ചിട്ടില്ല.
അതുകൊണ്ട് തന്നെ അനാവശ്യ വിവാദമുണ്ടാക്കാനാണ് സര്ക്കാര് ശ്രമിച്ചതെന്ന ആരോപണം ശക്തമായിരുന്നു. ഈ സാഹചര്യത്തിലാണ് വിശദീകരണം ആവശ്യപ്പെട്ടുകൊണ്ട് പ്രധാനമന്ത്രിയുടെ ഓഫീസ് വിശദീകരണം തേടിയത്.
