തിരുവനന്തപുരം: ശ്രീരാമനവമി മഹോത്സവത്തിന്റെ ഭാഗമായി ചേങ്കോട്ടുകോണം ശ്രീരാമദാസ ആശ്രമത്തിലെ ജ്യോതിക്ഷേത്രസന്നിധിയില്‍ മഹിളാസമ്മേളനം എസ്.ആര്‍.ഡി.എം.യു.എസ് വൈസ് പ്രസിഡന്റ് പ്രൊഫ.ജയന്തിപിള്ള ഭദ്രദീപം തെളിച്ച് ഉദ്ഘാടനം ചെയ്തു. ശാസ്താംകോട്ട, ഡി.ബി കോളെജ് മലയാളം വിഭാഗം മേധാവി ഡോ.ടി.എ.ഗീത സമ്മേളനത്തില്‍ അദ്ധ്യക്ഷനായിരുന്നു. എന്‍.എസ്.എസ്.കോളെജ് മുന്‍ പ്രൊഫ. ഡോ.രമാഹരിദാസ് ‘സ്ത്രീ ശാക്തീകരണവും ഭാരതീയ സംസ്‌കാരവും’ എന്നവിഷയത്തെ ആസ്പദമാക്കി പ്രബന്ധം അവതരിപ്പിച്ചു. എന്‍.എസ്.കോളെജ് മുന്‍ പ്രൊഫ.പി.വിജയലക്ഷ്മി അമ്മ ‘ആദ്ധ്യാത്മിക ദര്‍ശനം കുടുംബഭദ്രതയ്ക്ക്’ എന്നവിഷയത്തെ ആസ്പദമാക്കി പ്രബന്ധം അവതരിപ്പിച്ചു. ഡി.വിമലകുമാരി, ദീപാ അനില്‍ തുടങ്ങിയവര്‍ സംസാരിച്ചു.
ശ്രീരാമദാസ ആശ്രമത്തില്‍ മഹിളാസമ്മേളനം നടന്നു
പുതിയ വാർത്തകൾ
Discussion about this post