കോഴിക്കോട്: നിപ വൈറസ് ബാധയേറ്റ് മരിച്ചവരുടെ വീട്ടിലെ കിണറ്റില് നിന്ന് വവ്വാലുകളെ കണ്ടെത്തിയതായി ആരോഗ്യമന്ത്രി കെ.കെ ശൈലജ. ഈ വെള്ളത്തില് നിന്നാകാം വൈറസ് പടര്ന്നതെന്നും മന്ത്രി പറഞ്ഞു. ചങ്ങരോത്ത് മൂസയുടെ വീട്ടിലെ കിണറ്റില് നിന്നാണ് വവ്വാലുകളെ കണ്ടെത്തിയത്. ഇവിടെ ബന്ധുക്കളായ മൂന്നു പേര് നിപ വൈറസ് പനി മൂലം മരിച്ചിരുന്നു. ഈ കിണര് മണ്ണിട്ടു മൂടിയതായും മന്ത്രി വ്യക്തമാക്കി.
വൈറസ് ബാധ തടയുന്നതില് വകുപ്പിന് വീഴ്ച സംഭവിച്ചിട്ടില്ല. രണ്ടാമത്തെ മരണം ഉണ്ടായപ്പോള് തന്നെ വിവരങ്ങള് കേന്ദ്രത്തെ അറിയിച്ചിരുന്നു. കേന്ദ്രസംഘം ഇന്ന് സന്ദര്ശനത്തിനെത്തുമെന്ന് അറിയിച്ചിട്ടുണ്ട്. ചികിത്സ കാര്യക്ഷമമാക്കാനുള്ള ക്രമീകരണങ്ങളെല്ലാം ഏര്പ്പെടുത്തിയിട്ടുണ്ട്. കോഴിക്കോട് മെഡിക്കല് കോളേജ് ആശുപത്രിയില് ഇതിനായി കൂടുതല് സൗകര്യം ഏര്പ്പെടുത്തും. ജീവനക്കാരുടെ സുരക്ഷക്ക് ആവശ്യമായ എല്ലാ മുന്കരുതല് എടുക്കുമെന്നും മന്ത്രി പറഞ്ഞു.
Discussion about this post