ന്യൂയോര്ക്ക്: പ്രളയം ദുരിതം വിതച്ച കേരളത്തെ പുനര്നിര്മിക്കുന്നതിന് അമേരിക്കന് മലയാളികളുടെ പിന്തുണയുണ്ടാകണമെന്ന് മുഖ്യമന്ത്രി പിണറായി വിജയന്. ന്യൂയോര്ക്കില് അമേരിക്കന് മലയാളികളെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം. അമേരിക്കന് മലയാളികളോട് ഗ്ലോബല് സാലറി ചലഞ്ചില് പങ്കെടുക്കാനും മുഖ്യമന്ത്രി അഭ്യര്ത്ഥിച്ചു. പ്രളയാനന്തര കേരളത്തിന്റെ പുനര്നിര്മാണം വലിയ വെല്ലുവിളിയാണ്. നാശനഷ്ടങ്ങള് കണക്കാക്കി പുനര്നിര്മാണം നടത്താനാണ് സര്ക്കാരിന്റെ ഇപ്പോഴത്തെ തീരുമാനം. ഇതിനായി ക്രൗണ്ട് ഫണ്ടിംഗ് പോലുള്ള നൂതന മാര്ഗങ്ങള് ഉപയോഗപ്പെടുത്തണമെന്നും മുഖ്യമന്ത്രി കൂട്ടിച്ചേര്ത്തു. ദേശീയ ദുരന്തനിവാരണ മാനദണ്ഡപ്രകാരം കിട്ടുന്ന പണം പുനരുദ്ധാരണത്തിന് മതിയാകില്ലെന്നും മുഖ്യമന്ത്രി വ്യക്തമാക്കി. ലോകത്തിലെ ഏറ്റവും വലിയ സാമ്പത്തിക ശക്തിയാണ് അമേരിക്ക. ഇതിനാല്തന്നെ അമേരിക്കന് മലയാളി സമൂഹം കേരളത്തെ അകമഴിഞ്ഞ് സഹായിക്കുമെന്ന് പ്രതീക്ഷിക്കുന്നതായും മുഖ്യമന്ത്രി പറഞ്ഞു. മൂന്നു മാസത്തിനകം ധനദാതാക്കളുടെ സമ്മേളനം വിളിക്കും. ഒരു മാസത്തെ ശമ്പളം കൊടുക്കാന് തയാറുള്ളവര് പങ്കെടുക്കണം. അമേരിക്കന് മലയാളികളില് നിന്ന് 150 കോടി രൂപയാണ് പ്രതീക്ഷിക്കുന്നത്. ധനമന്ത്രി തോമസ് ഐസക് അമേരിക്കയില് എത്തി ഒക്ടോബര് 18 മുതല് ധനസമാഹരണം നടത്തുമെന്നും മുഖ്യമന്ത്രി കൂട്ടിച്ചേര്ത്തു.
കേരളത്തെ പുനര്നിര്മിക്കുന്നതിന് അമേരിക്കന് മലയാളികളുടെ പിന്തുണയുണ്ടാകണം: മുഖ്യമന്ത്രി
പുതിയ വാർത്തകൾ
Discussion about this post