ചെന്നൈ: മതാചാരങ്ങളില് ഇടപെടുന്നതില് നിന്ന് കോടതികള് വിട്ടുനില്ക്കുകയാണ് നല്ലതെന്ന് മദ്രാസ് ഹൈക്കോടതിയുടെ നിരീക്ഷണം. മയിലാപൂര് ശ്രീരംഗം മഠാധിപതിയായി യമുനാചാര്യര് ചുമതലയേല്ക്കുന്നത് ചോദ്യം ചെയ്ത ഹര്ജി പരിഗണിക്കവെയാണ് കോടതിയുടെ ഇത്തരത്തില് നിരീക്ഷണം നടത്തിയത്.
ലക്ഷക്കണക്കിന് ഭക്തര് കാത്തിരിക്കുന്ന ചടങ്ങ് എങ്ങനെയാണ് തടയുകയെന്ന് ജസ്റ്റിസുമാരായ വി.പാര്ഥിപന്, കൃഷ്ണന് രാമസാമി എന്നിവരടങ്ങിയ ബഞ്ച് ചോദിച്ചു. ശ്രീരംഗ മഠത്തിന്റെ പന്ത്രണ്ടാമത് മഠാധിപതിയാകുന്ന യമുനാചാര്യരുടെ പട്ടാഭിഷേകം ആചാരലംഘനമാണെന്ന് ചൂണ്ടിക്കാട്ടി മഠ വിശ്വാസിയായ എസ്.വെങ്കടവരദനാണ് കോടതിയെ സമീപിച്ചത്.
കേസ് രണ്ടാഴ്ച കഴിഞ്ഞ് വീണ്ടും പരിഗണിക്കുമെങ്കിലും നാളെയും മറ്റന്നാളുമായി നടക്കുന്ന പട്ടാഭിഷേക ചടങ്ങുകള് സ്റ്റേ ചെയ്യാനാകില്ലെന്ന് കോടതി നിലപാടെടുത്തു.
Discussion about this post