ആലപ്പുഴ: ചേര്ത്തലയില് പിഞ്ചുകുഞ്ഞ് മരിച്ചത് മൂക്കും വായും അടച്ചുപിടിച്ചപ്പോഴാണെന്ന് അമ്മ ആതിര പോലീസിന് മൊഴി നല്കി. കുഞ്ഞു കരഞ്ഞപ്പോള് പെട്ടെന്നുണ്ടായ ദേഷ്യത്തില് ചെയ്തതാണ്. കൊല്ലാന് ഉദ്ദേശിച്ചിരുന്നില്ലെന്നും അബദ്ധം പറ്റിയാതാണെന്നുമാണ് മൊഴി. എന്നാല് ഈ മൊഴി പോലീസ് പൂര്ണമായും മുഖവിലയ്ക്കെടുത്തിട്ടില്ല. കഴിഞ്ഞ ദിവസം, പുതിയകാവ് കൊല്ലംവള്ളി കോളനിയിലാണ് കുട്ടിയെ വീട്ടിലെ കട്ടിലില് മരിച്ച നിലയില് കണ്ടെത്തിയത്. മരിച്ച കുട്ടിക്ക് രണ്ട് മാസം മാത്രം പ്രായമുണ്ടായിരുന്നപ്പോള് മുതല് ആതിര മര്ദിച്ചിരുന്നുവെന്ന് കുട്ടിയുടെ മുത്തശി പൊലീസിന് മൊഴി നല്കിയിട്ടുണ്ട്. ഒന്നേകാല് വയസുമാത്രം പ്രായമുള്ള കുഞ്ഞിനെ ശ്വാസംമുട്ടിച്ചു കൊന്ന സംഭവത്തില് ആതിരയെ പോലീസ് അറസ്റ്റ് ചെയ്തിരുന്നു. ചോദ്യം ചെയ്യലില് യുവതി കുറ്റം സമ്മതിച്ചു. കൊലപാതക സമയത്ത് കുട്ടിയുടെ പിതാവ് വീട്ടില് ഉണ്ടായിരുന്നോ എന്ന കാര്യത്തിലും വ്യക്തത വന്നിട്ടില്ല. രണ്ടു മാസം മുന്പ് ഭര്ത്താവിന്റെ അമ്മയെ ആക്രമിച്ച കേസില് കുഞ്ഞിനൊപ്പം ആതിര ആറു ദിവസം റിമാന്ഡില് കഴിയുകയുണ്ടായി. കുഞ്ഞിനെ ഉപദ്രവിച്ചതിന് അമ്മയ്ക്കെതിരെ മുത്തശി നേരത്തെ പോലീസില് പരാതി നല്കിയിരുന്നു. കുഞ്ഞ് മരിച്ചത് ശ്വാസം കിട്ടാതെയെന്ന പോസ്റ്റ്മോര്ട്ടം റിപ്പോര്ട്ടിനെ തുടര്ന്ന് കുട്ടിയുടെ മാതാപിതാക്കളെയും ബന്ധുക്കളെയും പോലീസ് ചോദ്യം ചെയ്തതില് നിന്നാണ് സംഭവം കൊലപാതമാണെന്ന് സ്ഥിരീകരിച്ചത്. കുട്ടിയുടെ സംസ്കാരത്തിന് തൊട്ടുപിന്നാലെ ഉച്ചയ്ക്ക് ആതിരയെ കസ്റ്റഡിയില് എടുത്തു. ഭര്ത്താവ് ഷാരോണിനെയും ഭര്തൃ മാതാപിതാക്കളെയും സ്റ്റേഷനിലേക്ക് വിളിപ്പിച്ചു. മൂന്നു മണിക്കൂര് നീണ്ട ചോദ്യം ചെയ്യലിലാണ് ആതിര കുറ്റംസമ്മതിച്ചത്.
പിഞ്ചുകുഞ്ഞിന്റെ കൊലപാതകം: യുവതി കുറ്റം സമ്മതിച്ചു
മൊഴിയില് വൈരുദ്ധ്യമുണ്ടെന്ന് പോലീസ്
പുതിയ വാർത്തകൾ
Discussion about this post