കൊല്ലം: മുന്മന്ത്രികടവൂര് ശിവദാസന് (88) അന്തരിച്ചു. ഇന്ന് പുലര്ച്ചെ തിരുവനന്തപുരത്തെ സ്വകാര്യ ആശുപത്രിയില് വച്ചായിരുന്നു അന്ത്യം. നാല് തവണ മന്ത്രി ആയിരുന്നു. മൃതദേഹം കൊല്ലം ഡിസിസിയില് പൊതുദര്ശനത്തിന് വച്ചു. വൈകീട്ട് സംസ്കാരം വൈകീട്ട് നാലിന് മുളങ്കാടകം ശ്മശാനത്തില് നടന്നു.
കെ കരുണാകരന് , എകെ ആന്റണി മന്ത്രി സഭകളിലായി വൈദ്യുതി, വനം,എക്സൈസ്, ആരോഗ്യം, തൊഴില് വകുപ്പുകളുടെ ചുമതല വഹിച്ചിട്ടുണ്ട്.
നാല് തവണ മന്ത്രിയായിരുന്ന കടവൂര് ശിവദാസന് ആര്എസ്പിയിലൂടെയാണ് കടവൂര് ശിവദാസന് കേരളരാഷ്ട്രീയത്തില് വരവറിയിക്കുന്നത്. 1980-ലും 82-ലും ആര്എസ്പിയെ പ്രതിനിധികരിച്ച് കടവൂര് ശിവദാസന് നിയമസഭയിലേത്തി. പിന്നീട് കോണ്ഗ്രസിലെത്തിയ അദ്ദേഹം കൊല്ലം ജില്ലയിലെ പാര്ട്ടിയുടെ മുഖ്യ നേതാവായി മാറി.
ഭാര്യ വിജയമ്മ. മിനി, ഷാജി ശിവദാസന് എന്നിവര് മക്കളാണ്.
Discussion about this post