തിരുവനന്തപുരം: കേരളത്തോട് അവഗണകാട്ടുന്ന ബജറ്റാണ് കേന്ദ്ര സര്ക്കാര് അവതരിപ്പിച്ചതെന്ന് മുഖ്യമന്ത്രി പിണറായി വിജയന്. ഫെസ്ബുക്ക് കുറിപ്പിലാണ് മുഖ്യമന്ത്രി കേന്ദ്ര ബജറ്റിനെ വിമര്ശിച്ചത്. എയിംസ് അടക്കമുള്ള വാഗ്ദാനങ്ങള് കാറ്റില് പറത്തിയെന്നും മുഖ്യമന്ത്രി കുറ്റപ്പെടുത്തി. ഇന്ധന വിലവര്ധനവ് ഏറ്റവും അധികം ബാധിക്കുക കേരളത്തെയാണ്. മാലപ്പടക്കത്തിന് തീ കൊളുത്തും പോലെയുള്ള നടപടിയാണ് ഇന്ധന വിലവര്ധനവ് ഉണ്ടായത്. ചരക്കുകൂലി മുതല് നിത്യോപയോഗ സാധനങ്ങളുടെ വില വരെ വര്ധിക്കുമെന്നും മുഖ്യമന്ത്രി പറഞ്ഞു.
പ്രളയത്തിനുശേഷം ഉന്നയിച്ച വായ്പാപരിധി വര്ധിപ്പിക്കലുള്പ്പെടെയുള്ള ആവശ്യങ്ങളോട് മുഖംതിരിച്ചു നില്ക്കുന്ന കേന്ദ്ര സര്ക്കാര്, പുതിയ ബജറ്റ് നിര്ദേശങ്ങളിലൂടെ ദുസ്സഹമായ ഭാരം കേരളത്തിനുമേല് അടിച്ചേല്പ്പിക്കുകയാണ്. കൊച്ചി ഷിപ് യാര്ഡ്, റബര് ബോര്ഡ് എന്നിവക്കുള്ള വിഹിതം വെട്ടിക്കുറച്ചെന്നും കേരളത്തിലെ ഉള്നാടന് ജലപാതയെ അവഗണിച്ചെന്നും അദ്ദേഹം കൂട്ടിച്ചേര്ത്തു.
