തിരുവനന്തപുരം: സിപിഐ എംഎല്എ എല്ദോ എബ്രഹാമിനെതിരായ ലാത്തിച്ചാര്ജ് ദൗര്ഭാഗ്യകരമെന്ന് മുഖ്യമന്ത്രി പിണറായി വിജയന്. ഇക്കാര്യത്തില് അന്വേഷണത്തിനു ജില്ലാ കളക്ടറെ ചുമതലപ്പെടുത്തിയിട്ടുണ്ട്. റിപ്പോര്ട്ട് ലഭിച്ചശേഷം ഫലപ്രദമായ നടപടി സ്വീകരിക്കുമെന്നും തിരുവനന്തപുരത്ത് വാര്ത്താസമ്മേളനത്തില് സംസാരിക്കവെ മുഖ്യമന്ത്രി പറഞ്ഞു. സിപിഐ നേതാക്കളെ പോലീസ് ലാത്തിച്ചാര്ജ് ചെയ്ത സംഭവം ദൗര്ഭാഗ്യകരമെന്നു സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനും വ്യക്തമാക്കിയിരുന്നു. സംഭവിക്കാന് പാടില്ലാത്തതാണു നടന്നതെന്നും ഇക്കാര്യത്തില് സിപിഎമ്മിനും വേദനയുണ്ടെന്നും കോടിയേരി പറഞ്ഞു. സിപിഐയുമായുള്ള പ്രശ്നങ്ങള് പരിഹരിക്കാന് മുന്നണി തലത്തില് നടപടിയുണ്ടാകുമെന്നും അദ്ദേഹം കൂട്ടിച്ചേര്ത്തു. ചൊവ്വാഴ്ച സിപിഐ നടത്തിയ ഡിഐജി ഓഫീസ് മാര്ച്ചിലെ ലാത്തിച്ചാര്ജിനിടെയാണ് മൂവാറ്റുപുഴയില്നിന്നുള്ള സിപിഐ എംഎല്എ എല്ദോ ഏബ്രഹാമിന്റെ കൈ പോലീസ് തല്ലിയൊടിച്ചത്. ഇടതുകൈ ഒടിഞ്ഞ എംഎല്എ എറണാകുളത്തെ സ്വകാര്യ ആശുപത്രിയില് ചികിത്സയിലാണ്. ജില്ലാ സെക്രട്ടറി പി. രാജു അടക്കമുള്ള സിപിഐ നേതാക്കള്ക്കും ലാത്തിച്ചാര്ജില് സാരമായി പരിക്കേറ്റിട്ടുണ്ട്.
എല്ദോ എബ്രഹാം എംഎല്എയുടെ കൈ പോലീസ് തല്ലിയൊടിച്ച സംഭവം നിര്ഭാഗ്യകരം: മുഖ്യമന്ത്രി
പുതിയ വാർത്തകൾ
Discussion about this post