മലപ്പുറം: ശക്തമായ ഉരുള്‍പൊട്ടലില്‍ ദുരന്തംവിതച്ച കവളപ്പാറയില്‍ സൈന്യം തെരച്ചില്‍ ആരംഭിച്ചു. മദ്രാസ് റെജിമെന്റിന്റെ 30 അംഗം ടീമാണ് എത്തിയത്. ഇവര്‍ പ്രഥാമിക തെരച്ചില്‍ പൂര്‍ത്തിയാക്കി കൂടുതല്‍ നടപടികളിലേക്ക് കടന്നു. കവളപ്പാറയില്‍ ഇതുവരെ ഒന്‍പതു പേരുടെ മൃതദേഹങ്ങളാണ് കണ്ടെത്തിയത്. ഇവിടെ ഇനിയും 54 പേരെകൂടി കണ്ടെത്താനുണ്ടെന്നാണ് വിവരങ്ങള്‍. 20ലധികം കുട്ടികളും കാണാതായവരില്‍ ഉള്‍പ്പെട്ടിട്ടുണ്ടെന്നാണ് വിവരം. അതിനിടെ, പ്രദേശവാസികളില്‍ ചിലര്‍ അവരുടെ ബന്ധുക്കളെ തേടി ഇടിഞ്ഞ കുന്നിന്റെ പലഭാഗങ്ങളിലായി തെരച്ചില്‍ നടത്തുന്നുണ്ട്. കഴിഞ്ഞ ദിവസങ്ങളില്‍ ഇവിടെ തെരച്ചിലിനിടെ അടിക്കടി ഉരുള്‍പൊട്ടലുകള്‍ ഉണ്ടായത് ആശങ്ക സൃഷ്ടിച്ചിരുന്നു. കൂടുതല്‍ തെരച്ചിലിന് ഇത് തടസമായിട്ടുണ്ട്.
കവളപ്പാറയില്‍ സൈന്യം തെരച്ചില്‍ ആരംഭിച്ചു
പുതിയ വാർത്തകൾ
Discussion about this post