മുംബൈ: കേരളത്തില് വീണ്ടും പ്രളയം ഉണ്ടാകാന് കാരണം പശ്ചിമഘട്ട സംരക്ഷണത്തില് വരുത്തിയ വീഴ്ച്ചയെന്ന് മാധവ് ഗാഡ്ഗില് വ്യക്തമാക്കി. കേരളത്തിലെ പരിസ്ഥിതിലോല പ്രദേശങ്ങള് സംരക്ഷിക്കുന്നതില് സര്ക്കാരിന് തെറ്റുപറ്റി. ഒരു ചെറിയ വിഭാഗത്തിന്റെ താല്പര്യം സംരക്ഷിക്കുന്നതിനായി പൊതുജനങ്ങളുടെയും പരിസ്ഥിതിയുടെയും ഭാവിയെക്കുറിച്ചു സര്ക്കാര് മറന്നുപോയി.
വമ്പന് ക്വാറികള്ക്കുപോലും ലൈസന്സ് നല്കുന്നത് തുടരുകയാണ് കേരള സര്ക്കാര് ചെയ്യുന്നത്. പുതിയ നിയമങ്ങളല്ല നമുക്ക് വേണ്ടതുള്ള നിയമങ്ങള് പാലിക്കപ്പെടുന്നുവെന്ന് ഉറപ്പാക്കണം. വികേന്ദ്രീകരണത്തിലൂടെ തദ്ദേശ സ്വയം ഭരണ സ്ഥാപനങ്ങള്ക്കു കൂടുതല് അധികാരം നല്കി പരിസ്ഥിതി സംരക്ഷണം ഉറപ്പാക്കണം.
കേരളത്തില് കഴിഞ്ഞ പ്രളയകാലത്തുസംഭവിച്ചതിന് സമാനമായ സാഹചര്യമാണ് മഹാരാഷ്ട്ര – കര്ണാടക അതിര്ത്തിയില് ഇപ്പോള് ഉണ്ടായിരിക്കുന്നത്. മഴ തുടര്ച്ചയായി പെയ്തിട്ടും വടക്കന് കര്ണാടകത്തിലെ ഡാമുകള് കൃത്യസമയത്ത് തുറന്നുവിടാന് അധികൃതര് തയ്യാറായില്ല. കൃഷ്ണ നദീതടത്തിലെ ഡാം മാനേജ്മെന്റിനുപിഴവ് പറ്റിയതാണ് ഇരുസംസ്ഥാനങ്ങളിലും പ്രളയത്തിനിടയാക്കിയത്.
Discussion about this post