തിരുവനന്തപുരം: മഴക്കെടുതി കാരണം സംസ്ഥാനത്ത് ഈ സ്വാതന്ത്ര്യദിനം ദു:ഖത്തിന്റെ പശ്ചാത്തലത്തിലുള്ളതാണെന്ന് മുഖ്യമന്ത്രി പിണറായി വിജയന്. കേരളത്തിനെ പുനര് നിര്മ്മിക്കുന്നതാവണം ഈ സ്വാതന്ത്യ ദിനമെന്നും അദ്ദേഹം പറഞ്ഞു.
‘ദുരന്തങ്ങളില് നമ്മള് തളരരുത്. നമുക്ക് വേണ്ടി മാത്രമല്ല, വരും തലമുറയ്ക്ക് വേണ്ടി കൂടി നാം പരിശ്രമിക്കേണ്ടതുണ്ട്,’ അദ്ദേഹം പറഞ്ഞു. ‘സ്വാതന്ത്ര്യം, ജാതി-മത-വംശ-ഉപദേശീയ-സംസ്കാര-ഭാഷ തുടങ്ങിയ ഭേദങ്ങള്ക്കെല്ലാം അതീതമായ സാഹോദര്യം ഇന്ത്യാക്കാരില് ഊട്ടിയുറപ്പിച്ചു. ഇതിന് അടിത്തറയായത് നമ്മുടെ വിഖ്യാതമായ ഭരണഘടനയാണ്. ഭരണഘടനയുടെ മൂല്യങ്ങളെ കണ്ണിലെ കൃഷ്ണമണി പോലെ കാക്കണമെന്നതാണ് സ്വാതന്ത്ര്യ ദിനം നല്കുന്ന സന്ദേശം. ഈ മൂല്യങ്ങള് കാത്തുസൂക്ഷിക്കുന്നതില് അപാകതകള് ഉണ്ടായെങ്കില് തിരുത്താന് ശ്രമിക്കേണ്ടതുണ്ട്,’ മുഖ്യമന്ത്രി പറഞ്ഞു.
‘മതത്തിന്റെ പേരില് വിവേചനമുണ്ടാകുന്നു, മതത്തിന്റെ പേരില് പൗരന്മാരെ നീക്കിനിര്ത്തുന്നു. സമഭാവനയോടെ സര്വ്വരും കഴിയുന്ന സാമൂഹികമായ ജീവിതാവസ്ഥ നേടിയെടുക്കാനുള്ള യാത്രയിലാണ് ഇവിടെ പൊതുമേഖലാ സംരംഭങ്ങള് ഉയര്ന്നത്. എന്നാല് അവ തകരുന്നു. സമ്പത്ത് കുത്തകകളിലേക്ക് മാത്രമായി ഒതുങ്ങുന്നു.’ മുഖ്യമന്ത്രി പറഞ്ഞു.
‘ജാതിയുടെ പേരില് പൗരന്മാര്ക്ക് നീതി നിഷേധിക്കപ്പെടുന്നു. തെരുവില് അവര് അതിക്രൂരമായി പീഡിപ്പിക്കപ്പെടുന്നു. മനുഷ്യത്വപരമായ സമൂഹം എന്ന പേരിനെ ഇത് കളങ്കപ്പെടുത്തുന്നു. ഭരണഘടനയുടെ ജീവസത്തയാണ് ഫെഡറല് സ്പിരിറ്റ്. വൈവിധ്യത്തെ ഏക ശിലാരൂപമായ യൂണിറ്ററി സംവിധാനം കൊണ്ട് പകരം വയ്ക്കാനുള്ള ശ്രമം ഉണ്ടായാല്, ഇതിനെ ഭരണഘടനാ തത്വത്തിന്റെ ലംഘനമായേ കാണാനാകൂ.’
‘കവളപ്പാറയില് പോസ്റ്റ്മോര്ട്ടത്തിനായി പളളി വിട്ടു കൊടുത്ത സഹോദരങ്ങള് രാജ്യത്തെ മഹത്തായ മാതൃകയാണ്. പൊതുവിദ്യാഭ്യാസത്തെ തകര്ച്ചയില് നിന്ന് വീണ്ടെടുത്തത് സര്ക്കാരിന്റെ നേട്ടം. മാലിന്യം നിറഞ്ഞ പുഴകളെയും മറ്റും വീണ്ടെടുത്തു. പൊതുമേഖലയെ ശക്തിപ്പെടുത്തി. ഐടി രംഗത്തെ ആകര്ഷകമാക്കി.’
‘പ്രളയം, വിഭവ പ്രതിസന്ധിയുണ്ടാക്കി. അസാധ്യമായി ഒന്നുമില്ലയെന്ന് കേരള ജനത തെളിയിച്ചു. അതേ നിശ്ചയദാര്ഢ്യം തന്നെ ഇപ്പോഴത്തെ വിഷമാവസ്ഥകളില് നിന്ന് കരകയറാന് നമുക്ക് കൈമുതലാകും. നിര്ഭയമായ മനസ്സും സമുന്നതമായ ശിരസുമുള്ള ജനതയാണ് നമ്മള്. അനാചാരങ്ങളെയും അന്ധവിശ്വാസങ്ങളെയും ശാസ്ത്ര വിരുദ്ധമായ മനോഭാവങ്ങളെയും ചെറുത്തു തോല്പ്പിക്കണം,’ മുഖ്യമന്ത്രി സ്വാതന്ത്രദിന പ്രസംഗത്തില് പറഞ്ഞു.
Discussion about this post