തിരുവനന്തപുരം: അറ്റകുറ്റ പണികള് നടക്കുന്നതിനാല് ചെന്നൈയിലേക്കുള്ള 2 സൂപ്പര് ഫാസ്റ്റ് ട്രെയിനുകളുടെ സമയത്തില് മാറ്റം വരുത്തും. 12698 തിരുവനന്തപുരം – ചെന്നൈ സെന്ട്രല് സൂപ്പര് ഫാസ്റ്റ് ശനിയാഴ്ച രാത്രി 8.20നു പകരം 8നു പുറപ്പെടും. പിറ്റേന്ന് ഉച്ചയ്ക്കു 12.25നു പകരം 12.15നു ചെന്നൈയില് എത്തും. ജൂണ് 13 മുതലാണു പുതിയ സമയം നിലവില് വരുക.
ദിവസേനയുള്ള ചെന്നൈ സെന്ട്രല്- ആലപ്പുഴ സൂപ്പര് ഫാസ്റ്റ് (22639) ജൂണ് 11 മുതല് രാത്രി 9.05നു പകരം 8.55നു ചെന്നൈയില് നിന്നു പുറപ്പെടും. കോയമ്പത്തൂര് വരെയുള്ള സ്റ്റേഷനുകളില് ട്രെയിന് എത്തുന്ന സമയത്തില് മാറ്റമുണ്ടാകും.
16311 ശ്രീ ഗംഗാ നഗര്- കൊച്ചുവേളി പ്രതിവാര എക്സ്പ്രസ് 20നു 30 മിനിറ്റും 12432 ഹസ്രത് നിസാമുദീന്- തിരുവനന്തപുരം രാജധാനി എക്സ്പ്രസ് 26നു 25 മിനിറ്റും 22149 എറണാകുളം ജംക്ഷന് – പുണെ സൂപ്പര് ഫാസ്റ്റ്, 16333 വരാവല്- തിരുവനന്തപുരം എക്സ്പ്രസ് എന്നിവ 28നു 30 മിനിറ്റ് വീതവും വഴിമധ്യേ വൈകും. 28നു 22149 എറണാകുളം ജംക്ഷന് – പുണെ സൂപ്പര് ഫാസ്റ്റ് ഒരു മണിക്കൂര് വൈകി പുറപ്പെടും. 16355 കൊച്ചുവേളി – മംഗളൂരു ജംക്ഷന് അന്ത്യോദയ എക്സ്പ്രസ് 27നു കാസര്കോടു വരെ മാത്രമാകും യാത്ര നടത്തുക. മംഗളൂരു പനമ്പൂര് റെയില്വേ സ്റ്റേഷനുകള്ക്ക് ഇടയില് ഇന്റര്ലോക്കിങ് ജോലി നടക്കുന്നതിനാലാണ് ഈ ട്രെയിനുകളുടെ സമയത്തില് മാറ്റം വരുത്തിയിട്ടുള്ളത്.
Discussion about this post