കൊച്ചി: കോവിഡ് ബാധയുടെ പശ്ചാത്തലത്തില്‍ പ്രവാസികള്‍ കൂട്ടത്തോടെ മടങ്ങിയെത്തിയാല്‍ സംരക്ഷിക്കാന്‍ കേരളത്തില്‍ സംവിധാനമുണ്ടോയെന്ന് ഹൈക്കോടതി. ഒരു ലക്ഷം പേരെങ്കിലും മടങ്ങി എത്തുന്ന സ്ഥിതി ഉണ്ടാകും. നിരീക്ഷണവും പരിചരണവും പുനരധിവാസവുമൊക്കെ ആവശ്യമാണെന്നും കോടതി നിരീക്ഷിച്ചു. പ്രവാസികളുടെ സംരക്ഷണത്തിനായി 5,000 ഡോക്ടര്‍മാരും 20,000 നഴ്‌സുമാരും ചുരുങ്ങിയത് വേണ്ടി വരില്ലയെന്നും കോടതി ചോദിച്ചു. ഗര്‍ഭിണികളുടേയും പ്രായാധിക്യമുള്ളവരുടെയും കാര്യത്തില്‍ ഗൗരവമായ പരിഗണന ആവശ്യമാണെന്നും കോടതി വിലയിരുത്തി. പ്രവാസികളായ ഇന്ത്യക്കാരുടെ കാര്യത്തില്‍ എന്ത് നടപടിയെടുത്തെന്ന് കേന്ദ്ര സര്‍ക്കാര്‍ രേഖാ മൂലം അറിയിക്കണമെന്നും കോടതി ആവശ്യപ്പെട്ടു. ലോക്ക്ഡൗണിനുശേഷം ഹര്‍ജി പരിഗണിക്കുന്നതാണ് നിലവിലെ സ്ഥിതിതന്നെ ഉചിതമെന്നും ഹൈക്കോടതി വിലയിരുത്തി. മേയ് അഞ്ചിന് ഹര്‍ജി വീണ്ടും പരിഗണക്കും.
പ്രവാസികള്‍ മടങ്ങിയെത്തിയാല്‍ സംസ്ഥാനം സജ്ജമാണെന്ന് ഉറപ്പുവരുത്തണം: ഹൈക്കോടതി
പുതിയ വാർത്തകൾ
Discussion about this post