തിരുവനന്തപുരം: കോര്പറേഷന്, നഗരസഭാ പരിധിക്കു പുറത്തുള്ള കേരള ഷോപ്സ് ആന്റ് എസ്റ്റാബ്ളിഷ്മെന്റ ആക്ട് പ്രകാരം രജിസ്റ്റര് ചെയ്തിട്ടുള്ള പാര്പ്പിട സമുച്ചയങ്ങളിലും ചന്തകളിലെ കോംപ്ലക്സുകളിലുമുള്ള കടകള് ഉള്പ്പെടെയുള്ള കടകള് തുറക്കാന് അനുമതി നല്കി. അതേ സമയം മള്ട്ടി, സിംഗിള് ബ്രാന്റ് മാളുകള്ക്ക് അനുമതിയില്ല.
കോര്പറേഷന്, നഗരസഭാ പരിധിയില് ചെറിയ കടകളും പാര്പ്പിട സമുച്ചയങ്ങളിലെ കടകളും ഒറ്റപ്പെട്ടുള്ള കടകളുമുള്പ്പെടെ തുറക്കാം. എന്നാല് ചന്തകളിലുള്ള കോപ്ലക്സുകളും മള്ട്ടി, സിംഗിള് ബ്രാന്റ് മാളുകളും തുറക്കാന് അനുമതിയില്ല.
തുറക്കുന്ന കടകളില് 50 ശതമാനം ജീവനക്കാര് മാത്രമേ ജോലിക്കെത്താവൂ. എല്ലാവരും മാസ്ക്ക് ധരിച്ചും ശാരീരിക അകലം പാലിച്ചും ജോലി ചെയ്യണമെന്ന് ഉത്തരവില് വ്യക്തമാക്കുന്നു.
Discussion about this post