തിരുവനന്തപുരം: കള്ളുഷാപ്പ് തുറക്കുന്നത് ലോക്ഡൗണ് ചട്ടങ്ങളുടെ ലംഘനമാണെന്ന് ബിജെപി നേതാവ് കുമ്മനം രാജശേഖരന്. കോവിഡ് പകരാതിരിക്കാന് സമൂഹം ത്യാഗം സഹിക്കുമ്പോള് സര്ക്കാരും ത്യാഗം സഹിക്കാന് തയാറാകണമെന്ന് കുമ്മനം ആവശ്യപ്പെട്ടു. കോവിഡ് തടയുകയെന്ന ലക്ഷ്യത്തോടെയാണ് കേന്ദ്രം ലോക്ഡൗണ് പ്രഖ്യാപിച്ചത്. രോഗം പകരാതിരിക്കാന് ഈ നിര്ദേശങ്ങള് കര്ശനമായി അനുസരിക്കണം. ലംഘിക്കപ്പെട്ടാല് ലോക്ഡൗണ് ലക്ഷ്യം പരാജയപ്പെടും. കള്ളുഷാപ്പുകള് തുറന്നാല് വലിയ തിരക്കുണ്ടാകും. പണം ഉണ്ടാക്കാനായി സര്ക്കാര് കള്ളുഷാപ്പുകള് തുറന്നാല് ഇത്രയുംനാളത്തെ പ്രതിരോധം പരാജയപ്പെടും – കുമ്മനം പറഞ്ഞു. ലഹരിയില്നിന്ന് മോചിപ്പിക്കാന് സര്ക്കാര് വിമുക്തി പദ്ധതിക്കായി കോടികള് ചെലവഴിക്കുന്പോള് നയത്തിനെതിരായി കള്ള് വില്ക്കുന്നത് ശരിയല്ലെന്നും കുമ്മനം ചൂണ്ടിക്കാട്ടി.
കള്ളുഷാപ്പ് തുറക്കുന്നത് ലോക്ഡൗണ് ചട്ടങ്ങളുടെ ലംഘനം: കുമ്മനം
പുതിയ വാർത്തകൾ
