തിരുവനന്തപുരം: വിനോദസഞ്ചാരമേഖലയുമായി ബന്ധപ്പെട്ട സ്ഥാപനങ്ങള്ക്കും യൂണിറ്റുകള്ക്കും അംഗീകാരവും ക്ലാസിഫിക്കേഷനും ഡിസംബര് 31 വരെ പുതുക്കി നല്കാന് അനുമതി നല്കി.
2020ല് അംഗീകാരം/ക്ലാസിഫിക്കേഷന് പുതുക്കേണ്ട ആയുര്വേദ കേന്ദ്രങ്ങള്, ഹോം സ്റ്റേകള്, സര്വീസ്ഡ് വില്ല, ഹൗസ് ബോട്ട്, ഗ്രീന് ഫാം, ഗൃഹസ്ഥലി, ടൂര് ഓപറേറ്റേഴ്സ്, അമ്യൂസ്മെന്റ് പാര്ക്ക് എന്നിങ്ങനെയുള്ള എല്ലാ സ്ഥാപനങ്ങള്ക്കും യൂണിറ്റുകള്ക്കും, അവയുടെ അംഗീകാരം/ക്ലാസിഫിക്കേഷന് കാലാവധി ഡിസംബര് 31 വരെ പുതുക്കി നല്കാന് വിനോദസഞ്ചാര വകുപ്പ് ഡയറക്ടര്ക്കാണ് അനുമതി നല്കിയത്.
കോവിഡ് 19 രോഗത്തെത്തുടര്ന്ന് വിനോദസഞ്ചാരമേഖലയില് പ്രവര്ത്തിക്കുന്നവര് നേരിടുന്ന പ്രായോഗികവും സാമ്പത്തികവുമായ ബുദ്ധിമുട്ടുകള് പരിഹരിക്കുന്നതിന്റെ ഭാഗമായാണ് നടപടി.
Discussion about this post