തിരുവനന്തപുരം: കോര്‍പറേഷന്‍ പരിധിയില്‍ ഒരാഴ്ച കൂടി ലോക്ക്ഡൗണ്‍ നീട്ടിയ സാഹചര്യത്തില്‍ സര്‍ക്കാര്‍ ഓഫീസുകളുടെയും സെക്രട്ടേറിയറ്റിന്റേയും പ്രവര്‍ത്തനത്തിന് സര്‍ക്കാര്‍ ക്രമീകരണം ഏര്‍പ്പെടുത്തി.
സെക്രട്ടേറിയറ്റില്‍ ചീഫ് സെക്രട്ടറിയുടെ ഓഫീസ്, ആരോഗ്യം, ആഭ്യന്തരം, ദുരന്തനിവാരണം, തദ്ദേശസ്വയംഭരണം, നോര്‍ക്ക വകുപ്പുകള്‍ക്ക് പരമാവധി 50 ശതമാനം ജീവനക്കാരെ നിയോഗിച്ച് പ്രവര്‍ത്തിക്കാം. ആരോഗ്യവകുപ്പിന്റെ പ്രവര്‍ത്തനത്തിന് കൂടുതല്‍ ജീവനക്കാര്‍ ആവശ്യമെങ്കില്‍ വകുപ്പ് സെക്രട്ടറിക്ക് ക്രമീകരണം ഏര്‍പ്പെടുത്താം.
സെക്രട്ടേറിയറ്റിലെ മറ്റു വകുപ്പുകളില്‍ അനിവാര്യമായ പ്രവര്‍ത്തനത്തിന് ആവശ്യമുള്ള ജീവനക്കാര്‍ മാത്രം ഹാജരാകാന്‍ ബന്ധപ്പെട്ട വകുപ്പ് സെക്രട്ടറിമാര്‍ക്ക് നിര്‍ദ്ദേശിക്കാം. അവശ്യസര്‍വീസ് വിഭാഗത്തില്‍പെടാത്ത മറ്റു ഓഫീസുകളില്‍ ജോലി നിര്‍വഹിക്കുന്നതിന് ആവശ്യമായ ജീവനക്കാരുടെ സേവനം വകുപ്പ് മേധാവിക്ക് ക്രമീകരിക്കാം. ഓഫീസുകളില്‍ ഹാജരാകാത്ത ജീവനക്കാര്‍ വര്‍ക്ക് ഫ്രം ഹോം രീതിയില്‍ പ്രവര്‍ത്തിക്കണം. അവശ്യസര്‍വീസുകള്‍ തടസമില്ലാതെ പ്രവര്‍ത്തിക്കുന്നതിന് ആവശ്യമായ നടപടികള്‍ വകുപ്പ് മേധാവികള്‍ സ്വീകരിക്കണം.
ഗവ. പ്രസിന്റെ പ്രവര്‍ത്തനം സുഗമമായി നടത്തുന്നതിന് ആവശ്യമായ ജീവനക്കാരുടെ ക്രമീകരണം വകുപ്പ് സെക്രട്ടറിക്ക് ഏര്‍പ്പെടുത്താം.
