പാലക്കാട്: മന്ത്രി കെ.ടി ജലീല് രാജിവെക്കണമെന്നാവശ്യപ്പെട്ട് സംസ്ഥാന വ്യാപകമായി ബിജെപിയുടെ പ്രക്ഷോഭം. പാലക്കാട് നഗരത്തില് യുവമോര്ച്ച പ്രവര്ത്തകര് പ്രതിഷേധ മാര്ച്ച് നടത്തി. സുല്ത്താന്പേട്ട ജംഗ്ഷനിലേക്ക് നടത്തിയ മാര്ച്ചില് പ്രവര്ത്തകര് ഏറെ നേരം റോഡില് കുത്തിയിരുന്ന് പ്രതിഷേധിച്ചു.
യുവമോര്ച്ച മാര്ച്ച് ജില്ലാ അദ്ധ്യക്ഷന് പ്രശാന്ത് ശിവന് മാര്ച്ച് ഉദ്ഘാടനം ചെയ്തു. ഏറെ നേരം സുല്ത്താന്പേട്ട ജംഗ്ഷന് ഉപരോധിച്ച പ്രവര്ത്തകരെ പോലീസ് അറസ്റ്റ് ചെയ്തു നീക്കി. വരും ദിവസങ്ങളിലും ശക്തമായ പ്രതിഷേധം നടത്തുമെന്ന് നേതാക്കള് പറഞ്ഞു.
ആരോപണ വിധേയനായ മന്ത്രി രാജിവയ്ക്കണമെന്ന് ആവശ്യപ്പെട്ട് കൊല്ലത്ത് ബിജെപി കെ.ടി ജലീലിന്റെ കോലം കത്തിച്ചു. ബിജെപി കൊല്ലം ജില്ലാ കമ്മിറ്റിയുടെ നേതൃത്വത്തില് ഹൈസ്കൂള് ജംഗ്ഷനില് നിന്നും ആരംഭിച്ച പന്തം കൊളുത്തി പ്രകടനം ചിന്നക്കടയില് സമാപിച്ചു. തുടര്ന്ന് നടന്ന പ്രതിഷേധ യോഗത്തില് സ്വര്ണ കള്ളകടത്തില് കെ.ടി ജലീലിനെ സംരക്ഷിക്കുന്നത് പിണറായി വിജയനാണെന്ന് ജില്ലാ പ്രസിഡന്റ് ബി.ബി ഗോപകുമാര് ആരോപിച്ചു. മുഖ്യമന്ത്രിയുടെ സഹമന്ത്രിമാരും ഉപദേഷ്ടാവുമെല്ലാം രാജ്യദ്രോഹകേസില് അന്വേഷണം നേരിടുന്നത് കേരളത്തിന് അപമാനകരമാണെന്നും അദ്ദേഹം പറഞ്ഞു.
കോട്ടയത്തു ബിജെപി യുവമോര്ച്ച പ്രവര്ത്തകര് കെ.ടി ജലീലിന്റെ കോലം കത്തിച്ചു. ബിജെപി സംസ്ഥാന വക്താവ് നാരായണന് നമ്പൂതിരി, ലിജിന് ലാല്, സോബിന് ലാല് എന്നിവരുടെ നേതൃത്വത്തില് ആയിരുന്നു സമരം നടന്നത്.
Discussion about this post