തിരുവനന്തപുരം: തദ്ദേശ തെരഞ്ഞെടുപ്പ് ദിവസം വോട്ട് ചെയ്യുന്നതിനായി സ്വകാര്യ സ്ഥാപനങ്ങളിലെ ജീവനക്കാര്ക്ക് അവധി അനുവദിച്ച് തെരഞ്ഞെടുപ്പ് കമ്മീഷന്. സ്വകാര്യ വാണിജ്യ- വ്യാപാര സ്ഥാപനങ്ങളിലേയും മറ്റ് സ്ഥാപനങ്ങളിലെയും ജീവനക്കാര്ക്കാണ് അവധി അനുവദിച്ചിരിക്കുന്നത്. ഇത് സംബന്ധിച്ച ഉത്തരവ് തെരഞ്ഞെടുപ്പ് കമ്മീഷന് പുറത്തിറക്കി. തെരഞ്ഞെടുപ്പ് നടക്കുന്ന ജില്ലകളുടെ അടിസ്ഥാനത്തിലാണ് അവധി അനുവദിച്ചിരിക്കുന്നത്.
ഡിസംബര് എട്ടിന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിലും ഡിസംബര് 10 ന് കോട്ടയം, എറണാകുളം, തൃശൂര്, പാലക്കാട്, വയനാട്, ജില്ലകളിലും അവധി പ്രഖ്യാപിച്ചിട്ടുണ്ട്. ഡിസംബര് 14 ന് മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളിലും അവധി നല്കിയിട്ടുണ്ട്. സ്വന്തം ജില്ലയ്ക്ക് പുറത്ത് ജോലി ചെയ്യുന്നവര്ക്ക് തെരഞ്ഞെടുപ്പ് ദിവസം സ്വന്തം ജില്ലയിലെ പോളിംഗ് സ്റ്റേഷനില് പോയി വോട്ട് ചെയ്യാന് പ്രത്യേക അനുമതി നല്കണമെന്നും ഉത്തരവില് പറയുന്നു. അവധി നല്കാത്തത് പിഴ ഈടാക്കാവുന്ന കുറ്റകൃത്യമാണെന്നും ഉത്തരവില് വ്യക്തമാക്കുന്നുണ്ട്.
