തിരുവനന്തപുരം: കൊവിഡ് നിയന്ത്രണങ്ങള് പാലിച്ച് ആറ്റുകാല് പൊങ്കാലയ്ക്ക് ഭക്തിനിര്ഭരമായ തുടക്കമായി. ക്ഷേത്രത്തിനുള്ളില് പണ്ടാര അടുപ്പില് മാത്രമാണ് പൊങ്കാല അര്പ്പിക്കുന്നത്. ഭക്തജനങ്ങള്ക്ക് വീടുകളില് പൊങ്കാലയിടാമെന്ന് ക്ഷേത്രം ട്രസ്റ്റ് അറിയിച്ചിരുന്നു.
ശുദ്ധ പുണ്യാഹത്തിന് പിന്നാലെ ക്ഷേത്ര തിടപ്പള്ളിയിലെ പൊങ്കാലയടുപ്പില് തീ പകര്ന്ന ശേഷമാണ് പണ്ടാരയടുപ്പിലേക്ക് അഗ്നി പകര്ന്നത്. 
വീടുകളില് പൊങ്കാല ഇടുന്നവരും ഇതേസമയം പൊങ്കാല അടുപ്പുകളില് തീ പകര്ന്നു. ഉച്ച കഴിഞ്ഞ് 3.40നാണ് പൊങ്കാല നിവേദിക്കുക. വൈകുന്നേരത്തെ ദീപാരാധനയ്ക്ക് ശേഷം 7മണിയോടെ കുത്തിയോട്ട ചടങ്ങുകള് നടക്കും. കൊവിഡ് മാനദണ്ഡങ്ങള് പാലിക്കുന്നതിന്റെ ഭാഗമായി ഇത്തവണ ഒരു ബാലന് മാത്രമാണ് കുത്തിയോട്ട ചടങ്ങില് പങ്കെടുക്കുന്നത്. പുലര്ച്ചെ ഒരു മണിക്ക് നട അടയ്ക്കും.
Discussion about this post