തിരുവനന്തപുരം: അറബിക്കടലില് രൂപംകൊണ്ട ന്യൂനമര്ദ്ദം ശക്തിപ്രാപിച്ച് ടൗട്ടെ ചുഴലിക്കാറ്റായി മാറിയതിനെ തുടര്ന്ന് സംസ്ഥാനത്തെ തീരപ്രദേശങ്ങളില് രൂക്ഷമായ കടലാക്രമണമുണ്ടായി. തിരുവനന്തപുരത്തിനും കൊല്ലത്തിനും പിന്നാലെ മലപ്പുറം, തൃശൂര്, കോഴിക്കോട്, കാസര്ഗോഡ് എന്നിവിടങ്ങളില് കടലാക്രമണം ശക്തമാണ്.
നിരവധി വീടുകള് തകര്ന്ന് കനത്ത നാശനഷ്ടമുണ്ടായി. കൃഷിയിടങ്ങളില് വെള്ളം കയറി. നൂറിലധികം പേരെ ക്യാമ്പുകളിലേക്ക് മാറ്റുകയും ചെയ്തു. ഇതിനിടെ, സംസ്ഥാനത്ത് കാറ്റും മഴയും കനക്കുകയാണ്. അഞ്ചു ജില്ലകളില് ഇന്ന് റെഡ് അലര്ട്ട് പ്രഖ്യാപിച്ചു. മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലാണ് റെഡ് അലര്ട്ട്.
തിരുവനന്തപുരത്തും പാലക്കാട്ടും യെല്ലോ അലര്ട്ടും മറ്റു ജില്ലകളില് ഓറഞ്ച് അലര്ട്ടും പ്രഖ്യാപിച്ചു. എറണാകുളം, ഇടുക്കി, മലപ്പുറം ജില്ലകളില് ഞായറാഴ്ച ഓറഞ്ച് അലര്ട്ടും മറ്റു ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്. ഡ്, ഓറഞ്ച് അലര്ട്ട് പ്രഖ്യാപിച്ചിട്ടുള്ള ജില്ലകളില് തീവ്രമോ അതിതീവ്രമോ ആയ മഴയ്ക്കു സാധ്യതയുള്ളതിനാല് ജാഗ്രത പാലിക്കണം.
Discussion about this post