തിരുവനന്തപുരം: പ്രതിപക്ഷ നേതാവ് വി.ഡി. സതീശനെ യുഡിഎഫ് ചെയര്മാനായി തിരഞ്ഞെടുത്തു. ഇന്നു ചേര്ന്ന യുഡിഎഫ് യോഗത്തിലാണ് സതീശനെ ചെയര്മാനായി തിരഞ്ഞെടുത്തത്. എന്നാല് മുല്ലപ്പള്ളി രാമചന്ദ്രന് യോഗത്തില് നിന്നും വിട്ടുനിന്നു. കെപിസിസി പ്രസിഡന്റ് സ്ഥാനം ഒഴിഞ്ഞെന്നും അതിനാല് യോഗത്തില് പങ്കെടുക്കുന്നില്ലെന്നുമായിരുന്നു വിശദീകരണം..
അതേസമയം, കേരളത്തില് പുതിയ പ്രതിപക്ഷ നേതാവിനെ തിരഞ്ഞെടുത്തപ്പോള് താന് അപമാനിതനായെന്ന് രമേശ് ചെന്നിത്തല സോണിയാ ഗാന്ധിക്ക് കത്തയച്ചു. വികാരനിര്ഭരമായ കത്താണ് ചെന്നിത്തല സോണിയാ ഗാന്ധിക്ക് അയച്ചിരിക്കുന്നത്.
പ്രതിപക്ഷ നേതാവ് പദവിയില് നിന്ന് തന്നെ മാറ്റുമെന്ന് നേരത്തേ പറയാമായിരുന്നു. തീരുമാനം നേരത്തേ അറിയിച്ചിരുന്നെങ്കില് താന് പിന്മാറുമായിരുന്നു. തിരഞ്ഞെടുപ്പ് നടത്തിയപ്പോള്താന് അപമാനിതനായി. സര്ക്കാരിനെതിരായ തന്റെ പോരാട്ടങ്ങള്ക്ക് പാര്ട്ടിക്കുളളില് നിന്ന് തനിക്ക് പിന്തുണ ലഭിച്ചില്ലെന്നും രമേശ് ചെന്നിത്തല പറയുന്നു.
Discussion about this post