തിരുവനന്തപുരം: ശ്രീരാമദാസമിഷന് യൂണിവേഴ്സല് സൊസൈറ്റിയുടെ ആഭിമുഖ്യത്തില് നടക്കുന്ന ശ്രീരാമനവമി രഥയാത്രയ്ക്കായി ശ്രീരാമരഥം ചേങ്കോട്ടുകോണം ശ്രീരാമദാസ ആശ്രമത്തില് നിന്നും (മാര്ച്ച് 24ന് വൈകുന്നേരം 6.30ന്) ശ്രീമൂകാംബികയിലേക്ക് യാത്ര തിരിച്ചു. ശ്രീരാമദാസ ആശ്രമം അദ്ധ്യക്ഷന് സ്വാമി ബ്രഹ്മപാദാനന്ദ സരസ്വതി തൃപ്പാദങ്ങള് ആരതി ഉഴിഞ്ഞാണ് ആശ്രമത്തില് നിന്നും രഥം പുറപ്പെട്ടത്.
ശ്രീരാമനവമി രഥയാത്ര ജനറല് കണ്വീനര് സ്വാമി സത്യാനന്ദ തീര്ത്ഥപാദര്, ശ്രീരാമദാസഷന് യൂണിവേഴ്സല് സൊസൈറ്റി സംസ്ഥാന അദ്ധ്യക്ഷന് എസ്.കിഷോര് കുമാര്, ജനറല് സെക്രട്ടറി ഉണ്ണിക്കൃഷ്ണന് മംഗലശേരി തുടങ്ങിയവര് സന്നിഹിതരായിരുന്നു. പത്തോളം രാമസേവകര് ശ്രീരാമരഥത്തെ അനുഗമിക്കുന്നുണ്ട്. ആശ്രമത്തില് നിന്നും തിരുവനന്തപുരം പഴവങ്ങാടി ശ്രീമഹാഗണപതി ക്ഷേത്രത്തിലെത്തി നാളികേരമുടച്ചാണ് കൊല്ലൂരിലേക്ക് തിരിക്കുന്നത്. മാര്ച്ച് 27ന് കൊല്ലൂര് ശ്രീമൂകാംബികാദേവീക്ഷേത്രത്തില് നിന്നും ഭദ്രദീപ പ്രതിഷ്ഠ നടത്തി രഥയാത്ര ആരംഭിക്കും. കര്ണാടകയിലും കേരളത്തിലെ വിവിധ ജില്ലകളിലും കന്യാകുമാരിയിലും പരിക്രമണം നടത്തി ശ്രീരാമനവമി ദിനമായ ഏപ്രില് 10ന് ചേങ്കോട്ടുകോണം ശ്രീരാമദാസ ആശ്രമത്തില് രഥയാത്ര പര്യവസാനിക്കും.
Discussion about this post