തിരുവനന്തപുരം: കെ സ്വിഫ്റ്റ് ബസ് ആദ്യ യാത്രയില് അപകടത്തില്പ്പെട്ടു. തിങ്കളാഴ്ച തിരുവനന്തപുരത്ത് നിന്നും കോഴിക്കോട്ടേക്ക് പുറപ്പെട്ട ബസാണ് കല്ലമ്പലത്തിന് സമീപത്ത് വച്ച് എതിര്ദിശയില് നിന്നുവന്ന ലോറിയില് ഇടിച്ചത്. അപകടത്തില് 35,000 രൂപ വിലവരുന്ന ബസിന്റെ മിറര് തകര്ന്നു.
ബസിന്റെ മുന്ഭാഗത്തും നേരിയ കേടുപാടുകളുണ്ട്. ബസ് ജീവനക്കാരും യാത്രക്കാരും സുരക്ഷിതരാണ്. തുടര്ന്ന് സമീപത്തെ വര്ക്ക്ഷോപ്പില് കയറ്റി കെഎസ്ആര്ടിസിയുടെ പഴയ മിറര് ഘടിപ്പിച്ച ശേഷമാണ് സര്വീസ് പൂര്ത്തിയാക്കിയത്.
അതേസമയം, അപകടത്തില് ദുരൂഹതയുണ്ടെന്ന് കെഎസ്ആര്ടിസി സിഎംഡി ബിജു പ്രഭാകര് ആരോപിച്ചു. സംഭവവുമായി ബന്ധപ്പെട്ട് ഡിജിപിക്ക് പരാതി നല്കും. അപകടത്തിന് പിന്നില് സ്വകാര്യ ലോബിയുണ്ടോയെന്ന് പരിശോധിക്കണമെന്ന് സിഎംഡി ആരോപിച്ചു.
Discussion about this post