തിരുവനന്തപുരം: എല്ലാക്കാലത്തും സര്ക്കാരിന് കെഎസ്ആര്ടിസിയ്ക്ക് ശമ്പളം നല്കാനാകില്ലെന്ന് ഗതാഗതമന്ത്രി ആന്റണി രാജു. ജീവനക്കാര്ക്കുളള ശമ്പളം കെഎസ്ആര്ടിസി സ്വയം കണ്ടെത്തണമെന്നും അദ്ദേഹം പറഞ്ഞു. എല്ലാ പൊതുമേഖലാ സ്ഥാപനങ്ങളും സാമ്പത്തികം സ്വയം കണ്ടെത്തണമെന്നും മന്ത്രി അഭിപ്രായപ്പെട്ടു.
ദീര്ഘദൂര സര്വീസുകള്ക്കായി പാട്ടത്തിനെടുത്ത സ്കാനിയ ബസുകളുടെ കരാര് കാലാവധി നീട്ടില്ലെന്നും ഗതാഗതമന്ത്രി പറഞ്ഞു. വിഷുദിനത്തില് പോലും ശമ്പളം ലഭിക്കാത്തതിനാല് ഈ മാസം 28ന് ഭരണഅനുകൂല സംഘടനകളടക്കം സൂചനാ പണിമുടക്ക് പ്രഖ്യാപിച്ചിരിക്കുകയായിരുന്നു. എന്നാല് മുഴുവന് ശമ്പളവും നല്കിത്തുടങ്ങിയതിന് പിന്നാലെ വിവിധ സംഘടനകള് സെക്രട്ടേറിയറ്റ് പടിക്കലെ അനിശ്ചിതകാല സമരത്തില് നിന്നും പിന്മാറിയിരുന്നു. ഇന്ന് മൂന്ന് മണിയ്ക്ക് തൊഴിലാളി സംഘടനകളുമായി വിഷയം ചര്ച്ച ചെയ്യുന്നുണ്ട്.
അതേസമയം മാസം 20 ഡ്യൂട്ടി ചെയ്യാത്തവര്ക്ക് ശമ്പളം മുടങ്ങുമെന്നാണ് സൂചന. 300തൊട്ട് 350 സര്വീസ് വരെ ദിവസവും മുടങ്ങുന്നുണ്ട്. മാസം 20 ഡ്യൂട്ടി ചെയ്യാത്തവരുടെ ശമ്പളബില് അടുത്തമാസം അഞ്ചിന് ശേഷമേ പരിഗണിക്കൂ എന്നതിനാലാണ് ഇവരുടെ ശമ്പളം വൈകുന്നത്.
Discussion about this post