തിരുവനന്തപുരം: വൈദ്യുതി ലൈനിലേക്ക് മരച്ചില്ല ചാഞ്ഞുകിടക്കുന്നതു കണ്ടാല് വൈദ്യുതി ബോര്ഡിനെ കൈയ്ക്കുകൈയോടെ അറിയിച്ചാല് ബോര്ഡ് സമ്മാനം തരും. വൈദ്യുതി ലൈനിനു മീതെ അപകടകരമായ വിധത്തില് മരക്കൊന്പ് ചാഞ്ഞു നില്ക്കുന്നതായോ ചെടിപടര്പ്പുകള് വൈദ്യുതി തൂണിലോ കന്പിയിലോ ട്രാന്സ്ഫോര്മറുകളിലോ പടര്ന്നു കിടക്കുന്നതായോ കണ്ടാല് ചിത്രം എടുക്കുക, ബോര്ഡിന് അയക്കുക. ഇനി സമ്മാനം എത്തുന്നതും കാത്തിരിക്കാം. വൈദ്യുതി ബോര്ഡ് പത്രക്കുറിപ്പിലാണ് ഇക്കാര്യം അറിയിച്ചത്.
ജൂണ് ഒന്നിനുശേഷമാണ് ഇതിന് അവസരമുള്ളത്. ഉത്തരവാദിത്തപ്പെട്ട സെക്ഷന്, അയയ്ക്കുന്നയാളിന്റെ വിശദാംശങ്ങള് എന്നിവ സഹിതം 9496001912 എന്ന വാട്സ് ആപ് നന്പരിലോ കെഎസ്ഇബിയുടെ ഔദ്യോഗിക ഫേസ്ബുക്ക് പേജിലോ അയയ്ക്കാമെന്നാണ് അറിയിച്ചിരിക്കുന്നത്. ചിത്രങ്ങളോ വിവരങ്ങളോ അയയ്ക്കുന്നവര് അവ എടുക്കുന്ന തീയതിയും സമയവും ചിത്രത്തിലോ ഒപ്പമോ രേഖപ്പെടുത്തണം. ജൂലൈ 31 വരെ അയച്ചുകിട്ടുന്ന ചിത്രങ്ങളില് 10 എണ്ണത്തിന് കെഎസ്ഇബി പാരതോഷികം നല്കും. നോഡല് ഓഫീസര് ഇ മെയില്: [email protected]
ജൂണ് ഒന്നു മുതല് സംസ്ഥാനത്ത് ഏതെങ്കിലും വൈദ്യുതി ലൈനിനു മീതെ അപകടകരമായ വിധത്തില് മരക്കൊന്പ് ചാഞ്ഞു നില്ക്കുന്നതായോ ചെടിപടര്പ്പുകള് വൈദ്യുതി തൂണിലോ കന്പിയിലോ ട്രാന്സ്ഫോര്മറുകളിലോ പടര്ന്നു കിടക്കുന്നതായോ കണ്ടാല് ജോലിയില് വന്ന വീഴ്ചയായി മാനേജ്മെന്റ് കണക്കാക്കും. ബന്ധപ്പെട്ട സര്ക്കിള്, ഡിവിഷന്, സബ്ഡിവിഷന്, സെക്ഷന് ഓഫീസര്മാരെ വീഴ്ചയുടെ ഉത്തരവാദികളായി കണക്കാക്കുകയും കന്പനി ചെലവിടുന്ന തുക മേല്പ്പറഞ്ഞ ഉദ്യോഗസ്ഥരില് നിന്ന് തുല്യ തോതില് ഈടാക്കുകയും ചെയ്യുമെന്ന് വൈദ്യുതി ബോര്ഡ് പത്രക്കുറിപ്പില് അറിയിച്ചു.
