കോട്ടയം: ഈ നാട്ടില് ഭിന്നത വരുത്താനായി എന്തും വിളിച്ച് പറയാമെന്നും അതിന് അവകാശമുണ്ടെന്ന് ആരെങ്കിലും ചിന്തിച്ചാല് അവരുടെ പിന്നില് ഏത് കൊലകൊമ്പന് അണിനിരന്നാലും ശക്തമായ നടപടി സ്വീകരിക്കുമെന്ന് മുഖ്യമന്ത്രി പിണറായി വിജയന്. കോട്ടയത്ത് കേരള ഗസറ്റ്ഡ് ഓഫീസേഴ്സ് അസോസിയേഷന് സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ജനങ്ങള്ക്ക് സര്ക്കാരില് വിശ്വാസമുണ്ട്. നുണ പ്രചാരണങ്ങളുടെ മലവെള്ളപ്പാച്ചില് ഉണ്ടായിട്ടും തുടര്ഭരണം നേടി. ഏത് തരത്തിലുള്ള പിപ്പിടി ആര് കാട്ടിയാലും അതൊന്നും എശാന് പോകുന്നില്ല. പ്രതിപക്ഷ ആരോപണങ്ങള് ജനം തള്ളിക്കളഞ്ഞു. വിരട്ടാനൊക്കെ നോക്കിയാല് അത് കൈയില് വച്ചാല് മതി. എന്തും വിളിച്ച് പറയാമെന്ന് കരുതരുത്. നമ്മുടെ നാട്ടില് ലൈസന്സില്ലാതെ എന്തും പറയാമെന്ന നിലയെടുത്താല് എന്തായിരിക്കും ഫലമെന്ന് അടുത്ത നാളില് കണ്ടു.
2021 ല് വലിയ പടയൊരുക്കവും നുണ പ്രചാരണത്തിന്റെ മലവെള്ളപാച്ചിലുമുണ്ടായി. പ്രചരണത്തിന് നാട്ടിലെ നല്ല ഭാഗം പത്ര,ദൃശ്യ മാധ്യമങ്ങളും കൂടി. പക്ഷേ ജനങ്ങള് ഞങ്ങളെ മനസിലാക്കി. 99 സീറ്റില് ഭരണം നടത്താന് ജനങ്ങള് ആവശ്യപ്പെട്ടു. ഞങ്ങളത് ശിരസാ വഹിക്കുകയാണെന്നും മുഖ്യമന്ത്രി വ്യക്തമാക്കി.
